من يقدم نهار السبت يلقى مايجي بعدها ياغير احدها = دورة ايامنا ماهي بتخفى والعمى مايشوف ولو يقدا
والسهر مايلوق الا ال ثلاثه وغيرهم مايذوق امر وادها= وانشد العود الازرق وش جراله انت ياعود جاوي مانت ندا

المشاركة الأصلية كتبت بواسطة محمد عبدالله البدراني (المشاركة 1134850) لاهنت يابو تركي وبيض الله وجهك واللعب معك مكسب ونوماس يالقرم وتصبح على خير

المشاركة الأصلية كتبت بواسطة حمدفهيدالحربي (المشاركة 1135067) wصحت السنتكم اخذتها حرف حرف ولو كنت فاضي الليله لا اطلب احداكم ونا بو فهيد حمستوني(smok)

المشاركة الأصلية كتبت بواسطة ورقان (المشاركة 1135364) شعراء مبدعين ورائعين بيض الله وجيهكم وصحت السنتكم على هذا الطاروق الرائع والممتع

المشاركة الأصلية كتبت بواسطة ابوخالد الفريدي (المشاركة 1135826) صحت السنتكم خوش محاوره وخوش شعار

المشاركة الأصلية كتبت بواسطة ابوخالد الفريدي (المشاركة 1135826) صحت السنتكم خوش محاوره وخوش شعار

المشاركة الأصلية كتبت بواسطة محمد عبدالله البدراني (المشاركة 1136007) اجزل الشكر والثناء لكل من شرفنا بحضوره تحيتي وتقديري

المشاركة الأصلية كتبت بواسطة ابو سميره (المشاركة 1136017) ماهم خوش يبو خالد هذولي عمالقة شعر

المشاركة الأصلية كتبت بواسطة سعد المحمدي (المشاركة 1136030) ماعليك زود يابو سميره الحقيقه أشعلت قسم المحاوره

المشاركة الأصلية كتبت بواسطة ابو سميره (المشاركة 1136043) الله يطول عمرك يبو تركي لولاك ما حرصت على المنتدى ولاهانو الربع

سعد المحمدي=
ياسلامي سلامٍ فيه نبدا والمعاني لها ناقد نقدها= من يجيب الجزيله مرحبابه والرديه مع الشارع تعدا
ودي أب شاعرٍ تاصل حباله جم هداج لامنه وردها= مايشق الدلو ويروح ظامي وان زعل لشهب البارود لدا
محمد عبدالله البدراني=
والبقى يالمسلم وش طرالك وش طرا يوم الاصحاب اتهجدها=مايجيب الجزيله غير اهلها والرديه كفوا من هو تردا
وياعسى ماتمنى قدم عينك ومن يقدم لها جعله يجدها=مايكدر صفو هداج ورده ومن تعشى بصاحبكم تغدا
سعد المحمدي=
جابك الله وانا لي فيك حاجه ماتقوم البيوت بلا عمدها= فارس القوم طاح من الجوادي ليت من قام يالاجواد سدا
والرديف العرب قامة تلومه ليت بعض السوالف ماعتمدها= أفتني يامحمد بالقضيه من يجيب الخبر لناس ودا
محمد عبدالله البدراني=
ابشر ابشر وعلى المولى قضاها والبيوت العريقه من سعدها = ومن تسمى بفارس مايلامي كان شفته يفد القوم فدا
ياصحيبٍ عليه آخذ ولا أخذ بعض الازوال ماودي نشدها = ومن يجيب السوالف لايهمك اكثر الناس عايش دون مبدا
سعد المحمدي=
القظيه قظيه داخليه وانت ماجبت لناشد سندها= خانته خنجره يوم المواجه له عن المعركه مية مصدا
علةٍ مالها عندك علاجي خلها يامحمد في مهدها= السوالف تراها واقعيه خظو الغرب لين الغرب ندا
محمد عبدالله البدراني=
دامها بالعباه وماتحتها كبدك اللي بجدها لي بجدها = والعبر بالحياه ومعتبرها والحباري تلابد كان هدا
من لقى علته يلقى دواها والجنايز نوديها لحدها = ياسعد والعوارف ماتعرف وراعي العرف ماغيره مبدا
سعد المحمدي=
خايف العلم ياصل فوق حده والسحابه ينوشك من بردها= هرولة لصباح العامريه غصب ماهي ياريف الجار ودا
كم جرحٍ نذره لين طابي وأبلش بخلق يطلع في غددها= طبها طبها يصعب عليه من علوم الرجاله ناس جردا
محمد عبدالله البدراني=
من يقدم نهار السبت يلقى مايجي بعدها ياغير احدها = دورة ايامنا ماهي بتخفى والعمى مايشوف ولو يقدا
والسهر مايلوق الا ال ثلاثه وغيرهم مايذوق امر وادها= وانشد العود الازرق وش جراله انت ياعود جاوي مانت ندا