|
ديوان الشاعر (مساعد الجليدي) نديم الجود
السلام عليكم ورحمة وبركاته اهدي لكم هذه الابيات عسى ان تنال اعجابكم
بذرت حـــبّك باللضمــير وفــــلحــته = واسقيت زرعه من وفى الود صبّاب مافــيه شخصً مثل شــخصك لكحـته = عــــندي وكــلً له مضانـين وحـــباب ياعـود مـوزً جـــاري الـــري تـحــته = وسط الغروس اللّي لها ضل واهـداب يابـوجــديلً فــــوق الامتـــان مـحــته = ارحم جريحّ فيك مغــرم ومـنصا ب انته طعنـت القـلـب مدري جـرحـــته = حطيت به مـع جــور الايّام مضراب لوجـبت له بلــسـم اجـروح ونصحـته = يطـيب يوم وياخــذ اســبـوع ما طاب انا اشــهــد انـك بالـمــودّه ذبــحـــتـه = ياعـيـن شـيــهانً عـلى راس مرقـاب لولا الحـــيا لاشــفـت زولـك نطـحـته = ياعـشقـتي مــن بــد تلـعـا ت الارقـاب ياطيـــب حظي كــان قــربك ربـحــته = ياناعـس الطرفـيـن ياعـــذب الانـياب التوقيع مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات عسى ان تنال عجابكم سمعت شطر بيت يقول (اطلق عصافير السعاده من قفصها واسجن احزانك بالاادراج التعيسه) ولاادري لمن يكون وسويت هالمجراه حالي وطاها الوقـت مدري رهـصها ......................ذوّقــني اللّــي ذاق زيـد وغـــريسه ياســف الحالي بالهـوى من بخصها ......................عـبـــرة عيــوني بالمحاجر حــبيسه عــلى اللـذي مثنات قــلبي شبـصها ......................واحــكم عــقـوده بالحـبال المسيسه سيرة غـرامي من نوادر اقصصها .....................تصعــب عـلى الهـجان وايضا لميسه ياقـلـب لتبــكي فــوايـت افــرصها ....................دنيــاك تال الـوقــــت ماهــي ونيــــسه أطلـــق عصافير الفرح من قـفــصها ...................... وإســـجن أحزانك بالدروج التعـيسه عــيش الحـياه ولا تـذكّــر نغـــصها ....................... لتصـيــر لهـــمـوم اليالي فــريـــسه الناس لــولا زودها وش نـقـــصها ....................... والمـرء يذكـر مـن طــبائع جـــليسه التوقيع مساعد الجليدي |
بيـن الضلوع العوج ثــبّت مكـانه
السلام عليكم ورحمة الله وبركاته اهدي لكم هذه الابيات عسى ان تنال عجابكم لى عــشـقة(ن)عـيّو بها ماتهـيّت بـيني وبيـنه عـهـد مثـل الامــانه ضحّـا غــلااها بالضمـاير وبيّـت بيـن الضلوع العوج ثــبّت مكـانه النفس عن غيره من البيض عـيّت واللـي تـبــيه النــفــس لاني ولانه عـلمي بقـلـبي مع طريقه مهيـّت كــنه على المجمـول يشكي زمانه غــدت به اللي يـوم فـزّة وحــيّت قامت تغـرِيف ليـن تلّــة اعــنانه يابارد الاحــساس والــقـلـب مـيّت وفّـر كـلامــك مانبي لـك امـــيانه التوقيع مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات عسى ان تنال اعجابكم
ياحــنّــتي حـنّـة خــلوجً تـحــنّـي = بكــرً خلـوج ولاذ عــنـها ولـدها كـنّه ايمزّر جوفها شعــف جــنّي = تجري مع الجـيّان حامي جهدها لقــت ولـدها باالبطـيـن امتـثــنّي = حارت وكـن اعــقالها شـد يـدها تبـرك وتـفرك زورهـا باالتّـعــنّي = من حر ماتوجس تنافض جسدها عليك يالمجمول من غــبت عـنّي = والعـــين تسهـر ليلها من نكـدها طال الـرجاء ياجارحي والتّـمـنّي = والكلمه اللّي قلت لي وش بعدها التوقيع مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات عسى ان تنال عجابكم مـني تــــحـيــه للـنـشـاما وتــقــديـر ابيـات صغـته مــن ضـميري اصياغه ابـيـات مـازونه بـها مـيـزة(ن)غــيـر عــنـدي عــلى بــدع المـثايل بــلاغه ماقـول ابـن ثـابـت ولاسـالـم الـزيـر كــل(ن)عـلى كــيفه ايزيـّن اشـماغه اصل الذهب ماقيل يصرف بقــصدير واضـح اعـيـاره مـأيـصـبّـغ صـباغه مـــايـملـكه ياكـــود راع الدنــانــير تلقى الذهب مابـيـن تاجـر وصاغه والـطــود ثابـت مـاتـهـزّه مـعاصير وزن الجــبل مـاهـو مـوازين بـاغه يامـزوّد الهـرجه عــلومـك دهــاوير صحيح بعـض الناس ياناس غـاغه مـن طـاوع العـربان عـذال ومشـير من كـثرمايسمع تــلخـبـط ادمـاغـه وبليس يضرب له ادفـوف ومزامـير له مسـكنن بالعوشــزه والـمــراغه مـاقــل دل وزبـدة الـهـرج تـعـبـيـر قصــيدة(ن)مــاقـلـتـها مــن فـراغه التوقيع مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهديلكم هذه الابيات المتواضعه عسى ان تنال عجابكم ومناسبتها عند ما شرّفونا الشاعرين الكبيرين بقدرهم ومعرفتهم وشعرهم بزيارةٍ سريعه تمنّينا لو امتدت اكثر من ذالك الشاعر سعد بن عامر المحمدي والشاعر مساعد بن مصيول المحمدي وبعد ما مشو قال حمود الرحيلي لولى العمل خاويناهم قلت ضروفـنا اليوم ماتسـاعـد والنفـس ياحمـود منغــثّه لوالله الّى مـشـا مـسـاعـد روّح وبــو نـادر أيـحــثّه ركـبو عـلى ناعـم الجاعد عسى الصواديـف ماترثّه الـدرب لـو كــان متـباعـد الـخـــط لـوطــال مـالــثّه لـصرت عـجلان ومواعـد العــلـم قـبل الخـطـر بــثّه لكسز ان كان انت متـقاعد يـعـجــبـك بالــديره الحـثّه التوقيع مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات عند ماكنـّا مسافرين ومتجهين للشمال الغربي مع طريق الرياض القصيم قريب من منطقة جلاجل وكان فيه حمامً طائرمتجه للشمال قال واحد من اخويانا هيجن علينا يانديم الجود شف هالحمام وينهو متّجه قلت حــمام ياالطّــاير الزاجــــل وقــّع دقيـقه عـلـى شــــاني ياطــير ود الخـبر عــاجـــل سلـّم على خــدر الاعـيـاني قـلـّه عـن الموعـد الاأجـــل حـــذراه ياطــيـر ينـســــاني وجدي على طـرفه الخاجـل ســـودً ســهـــمها تـوطـّـاني باسـبـابـها خاطــري واجــل قـــــلبي نهـــيــته وعـــيّاني يابـعـد خـلـّي عن جــلاجــل بيــــن الحــديثـه وفــيـحاني التوقيع نديم الجود |
ديوان الشاعر (مساعد الجليدي) نديم الجود
[CENTER]
وهــــنــي الطيـــرخـــفّـاق الجــنـاح = يقطف الجرسون وغــصـون الشجـر لـنــوا يــرقــا عـــلى متــن الـريـاح = يـفـرق الجــنحــان ويســـوق النـظر
لــويعــرف العـلـم لبّـســته وشــاح = يـوصل المكـتــوب وضـّاح النــحـر عــنـق ريـــمٍ مرتعـه حـول البـراح = يقطف الزملوق با الروض الخـضر ليـت منهـو شــد كــفـه واســتـراح = واسـتـلـذ بنومـتـه عـقـب الـسـهــر مــع هــنـوفٍ عــذّبـتــنـي يـاربـاح = خـدّهـا مثـل القـمـر نصـف الشـهـر والعـيون السـود والمـوت الذحاح = بـيـن مـقـرن حـاجـبـيـنه والـثـغــر عـود موزٍ ساق عـرقـه باالـقـراح = كــل ماهــب الـهــوا معـه انهـصر وهــني مـن جاب ماذون النـكـاح = كـمّـل المـطـلوب لـهـلـه والـمهــر التوقيع نديم الجود مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات عسى ان تنال اعجابكم
البـارحـه العـين يامشـكاي سهـرانه = كـن المـحاجـر ذرور الشــب نايـشها مـن واهـــجٍ بالـضّـماير ثار بركـانه = منه الشضايا ينوش القلب طايـشها وابكي عـلى وقـتي الماضي وحيّانه = ملّيت شـوف المدينه مـع معـايــشها وجدي على البر وفـياضه وضلعانه = فــيه اتـذكّــر ليالي كـــنت عـايـشها يوم السـحـاب ايتعــــزّل مـنه ربّانه = يجـلا هـمومٍ شـتات الوقـت حايشها يوم الصـدور بكـلام الصـدق مـليانه = واليـوم عكـسه مليّه مـن غـشايشها دورٍ تغــيّر وغــيـراته مـن اعــوانـه = به ناس متـغـطرسه والكـبر دايـشها البعـد مكسب وحث الرجـل عـجـلانه = عـن شجـرةٍ تكـبر وتكـثر هـوايــشها ياموزّع الحلـوا عـلـى شـان مـرجانه = سـلـمى تراها تماري في غـــوايـشها كان انت نفسك مع المجمول طـربانه = النار تـحــتــك اتولّـع فـي حـشايـشها لك يـوم محـتوم تصغــربه وتـــنهانه = ناره تلهّـب يهـول القـلـب غـــايـشها امرٍ مــن الله عــظـيم الشـان سبحانه = مايـنـفـعـك حامل الجـعـبه وقـايــشها مــيـعـاد لـلـظّـالـم الـخـايــن وخـلاّنـه = الله جـعـلـكـم وقــودٍ مـن خــشايـشها التوقيع مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات عسى ان تنال عجابكم
البارحه والـيـل مـضـفي ال بـشـته = تحت السماء كل البسـيطه كساها شعمت ناري واطيب الوقت عـشته = مع مـفـرداتٍ قـلـت يالله عــساها تاصل هـنـوفٍ كـل حـرفه نـقــشـته = لوهي نسـتـني هاجـسي مانساها يالـيـل زدت الجـرح مـدري نبـشـته = اثـرك عــويـنٍ للضّروف وقـساها ويـن الهـنوف اللّي قـباله عـطـشته = يالله تـســعــد بالـوناسـه مـسـاها ان سهّل الله ناعـس الطرف حـشـته = باذن اللّـذي حـط الجـبال ورساها ا لتوقيع مساعد الجليدي نديم الجودي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات من بداياتي من الارشيف القديم ومن نسج الخيال يابدو ياللّي تتـبعــون القـــطــيــعي مامركم قـبـل امس بــدوٍ محـــيلــين شــــدو مــن الرمله يـــبون الربيعي حطّو جهام ايسار وحـــروري ايمين شــدو بخــلّي عــقب كـــنّا جــميعي اقـــفـو وخــلّونا وحــنّا امقــيمـيــن مــن بعـدهـم ياحمود حالي وجـيعي كــنّي قـريصٍ غــارزٍ فــيه نابـــين اوجـس بقلبي مـثل شـوك النقـيعي كـن الدبا الحـنان بيــن الشــرايـيـن حالي كما ابا العـوف وبـن الوليعي من لوعة الفرقا غدا الجرح جرحين من شاف حالي قال مانته طبــيـعـي والـيا ذكرته جـادلــي كـامـل الزيــن يجــض قـلبي مثـل جـض الرضـيعي خـطــّر يمــينه يحــسب النار تـلوين طـاحـت يمـيـنه مـالقــا له مــنيـعـي عـزّي الحاله مــالقـا ناس فـطـنـيـن يصرخ وصوته من صريخه يضيعي شــىٍ جراله يــدمي الــقـلب والـعيـن التوقيع مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات عند ما سمعت في احدا القنوات واحد يسب أم المؤمنين عايشه رضى الله عنها الـعـصـاء ماتـقــتـل الاّ الـهــايـشه ياضعـيـف الفـكـر والزنـد المهـين يا اللّعـيـن الرافـضـي ياالـدايــشـه مرتحـلـك البغـظ وابلـيس اللّعــيـن لـوتـمـد أيـــديــك ماهـي نـايــشه غـيـر خـدّك ماجـداك الاّ الـونــين يمهــل الله كــل نـفــسٍ عـايـــشه والحساب مجــوّدٍ في كل حــيــن موعـدك في جـوف نارٍ غـايــشه لين تصهركـل جسمك والجـبــين كـيـف تجـــرا في مسـبّة عايـشه زوجة المبعـوث باالديـن المبـين الله اكــبـر ياالـعـقـول الطّـايــشه ماتلـيـق هـروجــكم عـلـمٍ يقــين ياالمجـوس الطاغـيه والحايــشه كـل خزي وكـل عار وكـل شين التوقيع مساعد الجليدي |
متى على الله ظروف الوقت
السلام عليكم ورحمة الله وبركاته اهدي لكم هذه الابيات عسى ان تنال عجابكم
دخـيل عـــينــك تريّــض لاتخـــليــني=ودّي عــيوني تـروّا منــك لـــوساعه ياروح روحــي وياحــيــي وياعــيني=ياريـف قـلـبي ومــشـهـاته ومــرباعه متى على الله ظروف الوقـت تعـفيني=والحـظ عــقــب التعـثّر يبني شـراعه واسج سبت القـدم من بيـن عـرقـيني=مدهال خـشـف المها والصيد بانواعه والوسـم حـسبة دخـوله قـبل يوميني=لهـب نــود الشـــمال وزان ذعــذاعه ماقـــلّـد اللّى رصـيـده بالمـــلايــيني=دنــياه لــبـدّها مــن يــوم مـنــزاعـه والبـر شــوفه ايونـّسـني ويغــنـيني=عـن ناس هاالوقت شـمّاته وطمّاعه رزقي عــلى الله ما دام الله محيـيني =والـنــاس ماهي الــمــد الله مــنّاعه ارجــيه ربي ايوفّـــقــني ويهـديـني =سبل التوافيق والمقصود واللطّاعه التوقيع مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم مجاراتي لقصيدة خالد عبيد كما اشكر الشاعر خالد عبيد على هذه الابيات الجميله واتاحة الفرصه لمن اراد ان يجاري قصيدته له مني اجمل تحيه وتقدير
نويت اجاري راعي الشعـر بابيات = الشاعـر اللّي ماقــصد لـجـل شهره يغـوص ببـحور المعـاني بلحضات = يغرف جزيل الشعر ويحوف نهـره عـنده يقين بعـزّة الـنفـس واثـبات = من قـو باسـه ماشـكى ضيم دهـره والــوقـت هـذا فـيه لـفّـه ومـيـلات = كــم واحـدٍ يركـض ورا كــل دهـره حـتّى مع الشّارع نشـوف المغثّات = واحيان بالمسـجد سـواليـف جهـره هــذا زمـان العــولــمه والـــديانات = والناس راحت بـين غــفـله وسهره من عرض ماقالو ترا بليس مامات = ومـــن لتـعــوّذ مــنه ياكــبر قـهـره وعداد من كـــبّر بخـمس الصلوات = وعــداد مـاذاق النــحـل كــل زهـره و ماحجّ بيت الله وشــاهـد عرفات = صلّوعـلى من صام عـشره وشهره مـرســول مـن ربه بكــل البــيانات = نبيـٍّنا المعــصوم مضمون طهــره التوقيع مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته
اهدي لكم هذه لابيات عسى ان تنال عجابكم
كــل ماصــد قــلبي جــاه شـيً يخـــمه=يذكر القـلـب لحـــضه يوم تاقــف اقـبالي التوقيع نديم الجود[والله انّي مــن اوّل عـايشً مــع هـالــمه=اظحك وانا ضميري من عنى الحب خالي مــار ســاعــت عرفتــك زاد بالقلب همه=ونــت قلبك كبير ولانشــد عــن حـــوالي صرت كــنّي صـغيرً مبعدينه عــن امه=عــنـد خاله لعينه وطبع ابوه اتّــكــالي ياهـوا البـال قــلّي مـاش رحـمه وذمه=خل قلبك عطوف وخبرني وش نوالي مد كفك وعطني عـهد والعـهد تــمه=قــبل تبعـدك عـنــي مـقبـلات اليــالي يكفي القلب لحضه فوق صدرك تضمه=بين غـر؟؟؟؟؟وتحـت طرق الشيالي |
ديوان الشاعر (مساعد الجليدي) نديم الجود
ياشرهتي قدرك على الراس والعين=لـك مـنـزلٍ بـيــن الـقـمـر والــثـرياّ طالبك عـودي لي وحــذرا تروحـين=خــلـيـك حـول الـذات عــندي هـنـيّا الصــبر مـفـتاح الفـرج كـان تدرين=مثل السحاب اليا انـقـرت له اسـقيّا هــمّال وبـله بـيـن لـبّه وعــرقـيــن=مـن شــاف برقـه فـيه رحّـب وحـيّا نبي انتخــاوا زيـن بالعــسر واللّين=هــيّا مــعي نرقا على الـرجــم هــيّا يمكـن علـيّه بعـض الاوقات تخطين=ادمــح لـك الـزلـلّات مادمــت حــيّــا ماهــو اكــيد اجــيـب لـك ماتمـنّيــن=كـــم واحــدٍ لــه مـطـلـبٍ مــاتـهـــيّا دور المـصالح فـوق كــل القـوانــين=مــعـاد بــه فـــزعـه ولابـه احــمــيّا شـعر النبط غثه اخــتوش وبـزارين=حــطــوه تال الـوقــت لـعـبة اعـمـيّا شعر الحداثه ضيّق الصدر ياحـسـين=والــيا عــذلـته هــز راســه و عـــيّا هــذا زمــان العــولــمه والـمـلايــين=مـدري عـلام الـوقـت طــبعــه كــذيّا والمال حـط الهيـس قـدم الـميامـيـن=ون قــال هــرجـه صـفّــقـولـه بــليّا والـقـل حـط الملـتزم بيــن قـوسـيـن=يـاقــوم يابــن افـلان قــدره اشــويـّا لوهـوكــريم ويدبل الـصاع صاعـين=والـــيا طــلبــتـه فـــزعــته مــاتـريّا اْخـر زمن حـطّم عـروش وسـلاطين=مــاكــن واحــدهــم بــقــصره تـفــيّا عـقـب الغـناه وعـقب ملك البسـاتين=اصــبــح وكـــفّـه خـاليـه دون شــيّا ومـن قـدّم الدنيا عـلى نصرة الـديـن=خــاب وخــسـرهـا مابـقى له ابـقـيـا |
ديوان الشاعر (مساعد الجليدي) نديم الجود
بعض البشر لو يقدر الشمس ياحمود=يمكن يشـــح بنورها ويحجبها والحسد في بعض المخاليق ماجود=ناره بوسط الجوف يسـعـر لهبها كم خيّرٍفي نعــمة الصمت محـسود=وكم عين محـسوده بضافي هدبها دنـيا كــفالله شــرّهـا مــابها فـــود=كـــم واحـــدٍ متـشـربكٍ في نشـبها دنيا الفـنى ونقوصها ســبّة الزود=هــنيت من نفـسه تدارك غــظـبها صابر على ماصاب حاله من الهود=نفــسه ثواب الاأخـره هـو طـلبها سـامي مبادي مامـشا درب منـقـود=نـزيه وعـروض البـشر ماشـذبها بس ايتــذكّـر يــوم قـادم ومـوعـود=يــوم البشر تحـشر وتنسا نسبها مافـيه دبّــابه ولاســيــف مــجـرود=ولادولةٍعـــظــما يعـيش بطـربها فـوق الصراط اللّي على النار ممدود=يوم الحجروالناس جملة حطبها يـوم البنادم قــدمه كــتاب موجـود=والواسطه ضاعت على من حسبها يوم الجوارح والعـمل عنده اشهود=وحــده من الثنتين حــظّه كــسبها ياجـنةٍ عـليا بـها حـوض مــورود=والاّ جـحيــمٍ خــالده فــي صـخبها يامن له عباده محاويج وسجـود=يارب تـقــبــل توبــتي واحـــتسـبها توبه من التوبات تنجي من الكود=نطـلع بــهـا بـــر الامــان بـسـبـبها |
ديوان الشاعر (مساعد الجليدي) نديم الجود
ياحــمامٍ فــوق غصن الســدر سـاجع=لاتـجـــرلــحــون وتــنــكّــد عــــلـــيّه لاتــجــدد جــرح قــلــبـي والمــواجع=ياحــمـام الــورق لاتــحـمـل خــطـيّه كـــل عــينٍ طـرفــها باالـيــل هــاجع=غـيـرعـــيـنٍ ذاقــت الفــرقـا شــقـيّه لاذكــرت اللّـي مـع الـبــدوان ناجع=عــنـق ريــمٍ ربّـعـت با ارضٍ عــذيّه عــافت عـيـوني لذيــذات الـمـضاجع=اتـخـيّل صــورته صــبــح وعــــشيّه ليــت للعــشّـاق قــانــون ومــراجـع=يرضـي العــشـأق ويــحـل القـضيـّه اه مـن دنــيا الــمـغـــثّه والـفــواجـع=لـوعـطتـك امــان تـرجـع باالعـطــيّه طـــبعها نقـض العهد نصب وتراجع=لــوتــزيــن أيـّــام نــيـّــتــهـا رديــــّه |
الساعة الآن 01:08 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir