فيه ولا فيك ياروحي = اللي جرالك وكدرني
يابلسم الآه وجروحي = ان كان قصرت اعذرني

خلاص ما عدت أسأل عنك = يا ناكر الطيب والمعروف
الله رزقني بأفضل منك = ولابدك انك ترى وتشوف

في مكتبي ليلة الجمعه = جاني مزور سجلاته
بينتحل طيب السمعه = اللي رفيعه مقاماته

خلاص ما تنفع الطيبه = مع الذي فاقد احساسه
مثل الذي ماسك الخيبه = ياخذ ويحثى على راسه

تعبت وآنا عليك ادرى = وانته ولا انته على بالك
صحيح بعض العرب تشرى = ودايم حريصه على وصالك

وش ترتجي فصحبة الجاهل = اعمى بصيره ولا له رأي
لاتاخذ العلم بالساهل = من بعد صدرّت لك فتواي

همس=
سلام ماشي فنفس الخط=اللي على منهج اجـدادي
ياحرب بحضوركـم ننشـط=من بعد حضرت فالمـادي
حرب=
ترحيب مثله ابد ماانخط = عنه التراحيب في وادي
ومادمت نشطان ليه شرط = مايكون رسم المثل عادي
همس=
تبقا فرسم المثل لك ربط = وحبكة معلم واستادي
لاتشترط لاتشيل تحط = لاتعكره جونا الهادي
حرب=
نادى المنادي وقلت اقلط = وحضرت دله وبرادي
والقصد ماودنا نفرط = وشمس المثل نورها بادي
همس =
نبغى نضع للحروف نقط = صبري نفذ يا ابن الاجوادي
اكظم على الغيظ منه اشتط = كلما قربت انتحى غادي
حرب=
خطط عسى خطتك تضبط = على حسب موجة الرادي
وشرواك ياهمس مايحبط = لو شاف دون الهدف حادي

=
مسكين يانادي الرايد = كلما تعدل عثر فخطاه
ماادري سببها من القايد = ولا خلل في وسط مرماه

هذا المساء موعد الاحباب = اللي بهم ينشرح بالي
احرار في عالي المرقاب = وتسد في كل الاحوالي

أجر للآن فآهاتي = وانته على غيري آهاتك
صحيح موجود في ذاتي = لو كنت معدوم في ذاتك

نافع الحربي =
القلب شبت عروقه نار = من منكم اللي يطفيهـا
شوفولي الشاعر البيطار = اللي جروحي يداويهـا
همس القوافي =
ماباس ياحر نسل احـرار = يا من لنا الحـال تشكيهـا
قل لي وش اللي عليكم جار = قـدام الاحكـام نبديـهـا
نافع الحربي =
ياالذيب يامعشي الخطار = الدار غاب القمر فيهـا
ابغى الوناسة مع السمار = وانت الوناسة وراعيها
همس القوافي =
لاجيتنا لك نشـب النـار = وضيوفنـا الله يحييـهـا
في مجلس الشعر والشعار = نفسك عزيزه ونرضيهـا
نافع الحربي =
ياوافي الطيب والمقدار = لك التحيـات نهديهـا
لابد من سجة ومسيار = عزومتـك مانخلّيهـا
همس القوافي=
وافين يا اهل الوفاء والكار = والطيبـه حـظ باغيهـا
يا طيب الشور لك من شار = روحك حشيمـه نهنيهـا