|
سالم البشري= الود ارسال واستقبال=مابين الارواح تشعربه الود ماهو كلام يقـال=وقت المهمات تجردبه أبو ذياب= والود نعمه من الأحوال=مايصر نشره وتعرضبه الود ياصاحبي ... مثقال=لا راح تشكي هجر حبُه |
الــعــبـــيـــدي = جآر الحزن..والحزن جـآري=في دولة الهـم والأكـدآر نـآر الجفآ..والجفـآ نـآري=تحرق ليا جيت فالأفكـآر ابـــــوذيـــــاب = داري على وضعك الحـاري=لاجأت الأسباب بالأقـدار والصبر ساس الحزن طاري=يطفى لهيب الجفى والنـار |
أبو عبدالرحمن= سلام مني لكـم خطيـت = يوصل ولا يخطي العنوان انا الذي دربكـم دليـت = واللي شراكم ترا كسبان أبو ذياب= يامرحبـا ياهـلا حييـت = من أول القـاف ياشيهـان شرفت يامن ... لنا أوفيت = للمنتدى ومطربين الـدان أبو عبدالرحمن= ازريت مثلك ألآقي ازريت = بين الخلايق وبين الجـان دامك على الطيب اتربيت = وافي ولا فيك اي نقصان أبو ذياب = وافي وعـزك وانـا حبيـت = أخلاص طيبك من العنـوان ودرب الهوى ... يمكم لاقيت = يطرب بسعد السمع سلطـان أبو عبدالرحمن= دامك رفيقي ولي جاريت = باوزنلك الحال بالميزان الهم زايد وانـا مليـت = والحال عليه شهود عيان أبو ذياب = أنا معـك ويـن ماتمنيـت = يامن لكـم بفـؤادي شـان والهم ان كان به عانيت = نبغى ادله مـع البرهـان أبو عبدالرحمن= مخـاوي الذيـب مازليـت = واليوم اشوفه غـدا خـوان اصبح يرافق مـن عاديـت = والسوس اظنه لعب في الزان أبو ذياب= درب الخوي أستمـع لاوحيـت = فيـه الأسـى والجـدال نيشـان وانصحك جلست ... عتب بالبيت = وان صـد جازيـه بالحـقـران أبوعبدالرحمن= شربت سمه لين رويت = لاسم حيـه ولا ثعبـان دامه نساني فانا استغنيت = بصبر النفس بالسلـوان أبو ذياب= بعْد اطلاعي علي وقريت = في خطكم صار يالربان بيـع المقفّيـن... بيـع الكيت = واطْوي الهوى ., واطْوي الكتبان |
سجين الغرام= جاني عن المنتدى إشعار =واليـوم ورّدت ميدانـه سلام يا نخبـة الشعـار =من ود رصده وعنوانـه أبو ذياب= شرفت وزادت لنا الانوار =بحضوركم زادت الوانه يامرحبا ياهـلا ياجـار =أعزف وهات اللحن دانه |
أبو أثير= مشكور ياصاحبي مشكور =ياللي تبين لنا طيبك وافي بقولك بدون قصـور =الله يحمـاك ويثيـبـك أبو ذياب= والله يزيـدك هنـاء وسـرور =ويزيـح عنـك ولا يصيـبـك لانك رفيقي بدون الشـور =لو تطلب الروح ما خيبك |
جيجي= بذلت جهدي معه يارفاق= خاطرت وأحرجت ميقافي وكل ما أهتدينا مع الأوفاق=عاندني الحظ بخلافي أبو ذياب= لاكنت في ودهم سبـاق =تسعى وقلبك لهم وافـي أكيد بعد الغروب أشراق =ويجمل الحـظ بشفافـي جيجي= ضاقت بي الأرض والأفاق=والكون من كل الأطرافي معظم حياتي قسى وارهاق= هذا ولا ادري عن القافي أبو ذياب= بالصدق أوفي مع الخـلاق=ينجيك مـن كـل جرافـي وترجع حياتك فرح وشواق=والضيق ينـزاح بخفافـي |
أبو ذياب= كيف الأفائده مع المجروح = فاللي تجرع وشرب الكأس عايش حياته فاِسى وجروح =واللي معه فاقد الاحساس؟؟ أبو أثير= فدرب الهوى ماتلاقي ربوح =مهما يعطر لك الأنفاس فهذا البلاء مايفيدك نوح =داري على وضعك الحساس |
أبو أثير= من قلب صادق بدون نفاق = ياصوت إسمك معي تذكار مثل العلـــــم دايمــاً خفاق = ياراعــي الطيب ياهــودار أبو ذياب= يالي على طيبتك سبـاق =يالي فؤاده صدوق وبـار مدري وشلي... بعمري باق = هات التفاصيل ولا تحتار أبو أثير= ياعالي الذوق والأخلاق = قوم إستمع لآخر الأخبار أسى بقلبي ومنه ضاق = غزه سماها غبار ونار أبو ذياب= قلبـي وقلبـك بهـا احـراق = من شعب يصرخ من الأخطار والنصر مكتـوب بـالأوراق = بصبر فيـه الأمـل جبـار |
العام عدى بأسى وحلام =والليل لا نمته بالقوة واليوم بفتح سجل غرام = عشان أنسى الذي جوه |
عادل الذبياني= عجزت عنك وعجزت اتوب=واليوم ماشوف لك طـاري هذا قدر والقـدر مكتـوب=عن غيبتـك ليتنـي داري أبو ذياب= لاصد عن اِمركم محبـوب=وانت من الصد محتـاري هذا غلا ... والغلا مطلوب=ولا زعل منك ؟؟ ياجاري |
أبو ذياب= بأكتب سلامي على الاوراق=وانثر حروفي على وراقـي بالحيـل قلـبـي لـكـم مشـتـاق=في غيبتـك زادت أشواقـي غواص ذبيان= ترحيب جالك من الاعمـاق=والصوت جالك من أعماقي قلبـي لكـم دايـمـن منـسـاق=باقـي لـكـم والـزمـن بـاقـي |
الفـارس= دايم اغض البصر من شان=سهم الهوى عـارفٍ فعلـه لكن وش حيلتي يا اخـوان=لاصابني يوم في غفله ؟؟ ! أبو ذياب= أرفق على حالتك يافلان=وأبعد عن الشك من أصله والعين لا صابت العنوان=أنـت وقناعتـك بتحلـه |
تركي الصخري القرشي و سلطان أبوذياب القرشي
أبــو ذيـــاب = غاب القمـر واليالـي تـدور =وشـوف (؟) طـول غيـابـه مـدري تغلـي ولا غــرور =ولا أكـيـد غـيـر أحبـابـه تـــركـــي الصخري = مع مطلع الشمْس يبدي النـور =واسمـع لعـذره ., واسبابـه خذ شور من حضرة الدكتـور =اصبر وتعرف وش ابطـا بـه أبــو ذيـــاب = حاولـت ياالطيـب المخـبـور =وعانيـت مـن قفلـت أبوابـه أبي المشوره ،،، يأبو مستـور =أقفيـه ولا ،،، اِجـي صوابـه تـــركـــي الصخري= الشـور كانـك تريـد الشـور =نار الهوى ترْضـي اصحابـه قبْلـك سبحْنـا فسبْـع ابحـور =لين الزمن جاب .ما اقفـا بـه أبــو ذيـــاب = الي تضحلـي مـن الدستـور =أقفيـه ومـا أحسـب حسابـه ويكـون بيـن وبينـه سـور =حتـى يتراجـع عـن غلابـه تـــركـــي الصخري= بعْد اطلاعي علـى المذكـور =فـي خطّكـم وانتـم ادرابـه بيـع المقفّيـن بيـع الـبـور =واطْوي الهوى ., واطْوي اكتابه ويصحابنا سامحونا = |
نصيحه عن الـــــود
الـود لا اِذرف الدمـعـات=أسعى بصك الهجر على الفور منتوجه ... الهم والحسـرات=أسمع و(قاطع) و(طيع) الشور |
رد الشعراء من مختلف المنتديات على كسرتي
أبو ذياب= بسئلـك يالشاعـر الفنـان = ياحكمـة القيـل والمعـنـا معقول يتعدل !!! الخـوان = لا جاء بالصلح يرضينا ؟؟؟ أبو عبدالرحمن= خذ الافاده يا اعز انسـان = يالشاعـر اللـي بتسألنـا الكلب عمره ماصار انسان = والخاين دربـه مايلزمنـا غريب الشرقيه= اللي طبوعه مع الخلاان = خاين على قول شاعرنا مايعتدل طبعه المرضان = لوكان بالحلف يسمعنا نخبة النخبه= خذها اجابات بالاتقان = يا ذياب ان كان توحينا الصلح موجود فالقران = لاتقول صلحه ما يكفينا أبو طلال= يالشاعر اللي تجر اللحان = لولا الصلح مانشري ولابعنا والصلح منهج مع العربان = والعفو دايم يجمعنا كب الجهل وتعو ذ الشيطان = وابليس دايم يفرقنا مسلم المحمدي = لو جاك منه الاسى يافلان = وبالصلح شفته معك يعنا خلّك معه فالحـذر فنـان = ولايشوف منك الغلط يجنا تركي الصخري القرشي= الصلْح من يتركه ندمان = قالوه الأجداد واسْمعْنا من بعْدها قرّر الميـزان = لو ماحسبْنا الخُطى ضعنا |
أبو ذياب= لأجأت عيني بوسط العين=وأستبشر القلب من أمـره يأهل ترى !! ناتج الأمرين=الحب من أول النظـره؟؟؟ عبدالله الفريدي= في سورة النور لـه تبييـن=ياجب عليك البصر قصـره وان كان ارسلته مع السارين=اقـل ماتكسـبـه حـسـره ابن قويتان= خذ الافاده عسى الله يعيـن=بعد اطلعنا علـى النشـره وحنا بذا الامـر مجتهديـن=وبعد الاذن من ذوي الخبره الوضع فيما يخصك زيـن=في شأن قلبك ومـا سـره والحب في مطابق الوضعين=والسيل اصل اولـه قطـره نادر الوجوود= سمعت قلبي يقول للعين = سبحان من خلى لنا شفره بيني وبينك بيان وبين = خلاك تمشين على الجـره معاند زمانه= لاصار خلك عنيد وزين =وباالعمر مايكبرَك عمره اغنم زمانك مع الحلوين =وابعد عن الهجروالحسره |
شايفه وعايفه= ماابى انـا العالـم الارضـى=بجلس لوحدى علـى المريـخ بعض العرب طيب ومرضـى=كريم خصايل واميـر وشيـخ ابى حروفى تجـى عرضـى=وبكوى بعض النفـوس بسيـخ أبو ذياب= الصبر عند البشـر غرضـي=لاجات الأسباب هم وطيـخ ومهما جرى من أسى وعرضي=فـن السياسـه عليـك تويـخ ولابـد الأسبـاب ... تتـرضـي=والحكم ؟؟ يرجـع عللي يريـخ |
مشعل النويمي = ودي اجابة ومصدر صح=من ناس خيـرة توافينـا ليه الوفا في زمنا شـح=والوضع ماعاد يرضينـا أبو ذياب= خـذ الاجابـه تهنـاء ارتــح=مـن مصـدر القلـب ياخيـنـا أعملك (بأصلك) ... ترى ياصح=الـنـاس أصـنـاف تعميـنـا |
أبو ذياب= لأجأت عيني بوسط العين=وأستبشر القلب من أمـره يأهل ترى !! ناتج الأمرين=الحب من أول النظـره؟؟؟ الشاكر أبو سامي = العين منها شكى الشاكيـن=ومنها تودي الفتـى قبـره وترسل سهوم الخطر تمكين=وفي سهومها مالنا دبـره |
لهيب شوقي في قلبي خطير = يجاحد القلب في صدك ودي برقة نظر تعزير = تعطي رضاء قلب من ودك |
أبـو ذيــاب = أنصـحـك يالعـبـد يافـاطـر=يجاحـد الديـن فـي رمضـان أسلئك دروب ... الصلاة وجاهر= و((محاضره)) تقرب الأيمان أحمد الغشمري = مـن يفطـر الشهـر ويكـابـر=ويتـرك الخـيـر والغـفـران مذمـوم مدحـور وهـو خابـر=ان الله يجـزي هـل الاحسـان تركي الصخري = يهـديـه رب السـمـا قــادر=لو يـوم غـرّر بـه الشيطـان ويــتــوب لله ويــبــادر=باالصّـوم وتــلاوة الـقـرآن |
أبـــو ذيــــاب = حـار القلـم دارت الأفـكـار=مشتاق والحـرف فـي حيـره مل القلم ... خط لـي تذكـار=(مجهول)؟؟ محتار تصويره !!! تركـي الصـخـري= نور المشاعر ..يجي من نـار=فأعْماقـنـا ..يالله الـخـيـره وان تـاه فينـا الألـم نحتـار=نتْْعـب ونعـجـز فتفسـيـره أحمد الغشمري = مـاودنـا نكـثـر الأشــوار=اشغلنـي سلطـان بتفكـيـره ان كان خلـك عليـه اسـوار=في القلب مطبـوع بالصـوره |
أبو ذياب= سؤال ؟ ويحيـر الباكيـن=أنا اشتكي وانجرح صوتي غالي ذبحني ... بلا سكين=مقتول أنا وا دفع بموتي !!! أحمد الغشمري= جواب : يالي دموع العيـن=بانت على الناس وابكيتـي هذا هوى القلب اصحى يبين=للنـاس خليـه مكبـوتـي |
وفاة جدي ابو الوالده الله يرحمه ويسكنه فسيح جناته
أبو ذياب= البارحه يـوم لاح الليـل=جأني أتصال شتت الأفكار قالي عطاك ... العمر تسهيل=جدك توفاه وهذي أقـدار أحمد الغشمري= ياخوي ابو ذياب شد الحيل=واثابك الله على مـا صـار و ارجو من الله عدل وميـل=يسكنه فـي جنـة الأخيـار |
الدم الأموي= ياكامل الزين والمعنا =لولاك مابي بلا لولاك الله علي خير يجمعنا =ولا عسى خاطري ينساك أبو ذياب= يامرحبـا يامناديـنـا=ياجامع الطيب يامغلاك الله يكثـف مساعينـا=واكون دايم على ذكراك الدم الاموي= ياذيب انت بتوحينا =هذا العشم من اصل مرباك جاوبتني يامناجينا =باعيش دايم علي طرياك أبو ذياب= يانور ساطع ليالينا=يالحر سبحان من سـواك دمـي ودمـك يكفينا=لو تطلب الروح ترى تفداك يصحابنا سامحونا= |
أبو ذياب= العين صارت من العشاق=والقلب زادت نبضاتـه أحبس عيوني من الأشواق=ولا أزود دقــاتــه ؟؟؟ أحمد الغشمري= العين دايم لها ميثاق = مع قلب زايد في وناته ريحها بدمعها الدفاق = يرتاح قلبك بعبراته أبو ذياب= مصيوب قلبي ثقل وخنـاق=والعين ياكثـر دمعااااتـه أه لو تـدري بالأعمـاق=تشكي على الروح وأهااااته أحمد الغشمري= الحب يطغي على الخفاق = يذوقه اشكال لوعاته وانكان مايقدر ويطاق = روح ضحيه لنزواته يصحابنا سامحونا= |
محمد الدخيل= نثرت خطي لمـن يقـراه=ويجاوبه من لهـم يطـرى كتبت بيـده أنـا ماانسـاه=وأبغى أمسح الخط والذكرى أبو ذياب= يامن عشقت الذي تهواه=وندمت وبأمرهم سري وضح لنا الاه ثـم الاه=اِفتيلك الشرح من بدري |
نصيحـــــــــه
يامتبع منهج الشيطان =ياعاصي الرب بالعنوه أعلم ترى .... ناتجك خسران =لو اندفن ( نعشكم) جوه |
لو كان قلبي بدء يقنع = والجرح ينزف اٍلم وأهاااااات والعين مثل ... النهر تدمع = منساك لو طالت الطعناااااات |
أبو ذياب= محتار ياصاحبي وشفيك =وشفيك بالصد تجزينا شرواك قلي أنا مغليـك =لا يكون جاء شي علمنا طلال العروي= أنا هنا والله محييـك =والوقت ماهو مطاوعنا دعيت ربي لنا يخليك =صاحب ولا يوم كدرنا |
عبدالرحمن الجهني= صوم الشهر وارتجي مولاك =يحميك من نزعة الشيطـان ويجعل جنان الرضا مأواك =في يوم يشقى به الانسـان أبو ذياب= لابد تسعى طلب مثواك =بالصوم وقراة القران أرجيك يالله حسن رضاك =تبعد وجيهنا من النيران |
نصاااااائح
أبو ذياب= يامتبـع منـهـج الشيـطـان=ياعاصـي الــرب بالعـنـوه أعلم ترى ... ناتجك خسران ؟؟=لـو اندفـن نعشـكـم جــوه تركي الصخري= إمشي علـى منهـج الرحمـن=واتـذكـر الـمـوت وادنــوّه واعرف ترى الصدْق في الإيمان=يـمـدّك النـصـر والـقـوّه الكل فـي ذا الزمـن حيـران=وقـتٍ كفانـا الولـي ســوّه كثـر الطمـع غيّـر الإنسـان=ونفـوس بالكـبْـر مـزهـوّه واحذر مـن الزيـف والبهتـان=اللـي بـه الـنـاس تتـفـوّه اشكـال فـي وقتنـا والــوان=وسطـور ., وافكـار تتـمـوّه الحـق مذكـور فـي القـرآن=والمصطفـى بالسـنـن نــوّه |
أبو ذياب= العام عدى بأسـى وحـلام=والليـل لا نمتـه بالـقـوة واليوم بفتح .... سجل غرام=عشان أنسـى الـذي جـوه راعي المجاهيم= من صابه الحب ما ينلاوم=يقول وش فيـه ومفـوه ومادام في نعمة الاسلام=بعض العرب عنده امروه |
سالم البشري= ماقلت قلبـه كـذا قاسـي=يقوى على الصد والهجران والله لو قـدّر احساسـي=ماكان يرضى عليه يهـان أبو ذياب= أصبـر ولا تفـقـد اليـأسـي=لا كان( حبـك) لهـم برهـان وعاتبـه داريــه بسيـاسـي=وعيد النظر ... وأضبظ الميزان |
مشعل النويمي= ابغى نصيحة تعلمني=القلب كيف انااوصله المسألة صدق تألمني=بعداللقا شاله واحتله أبو ذياب= بين له الحـب وفهمنـي=والشوق والصدق لا بد له وأشياء لا عافه أسمعنـي=أستبدل العـاف ان ملـه |
صقـــــر الحيــــود / أبــــــو ذيـــــاب
أبو ذياب= ياليت يا مغرمـي حسيـت=واِثنيت قلبـك علـى قلبـي اِحرقت حبك ... لنا و نسيت=عيشتني (الأه) فـي دربـي أحمد الغشمري= سلامتـك... يالـذي ونيـت=حسيت... في نارك... اتشبي خذها نصيحه اذا حبيـتـ؟؟؟=ابعد!!!! ولاتقـرب السلبـي |
خالد الحازمي= أحب الشعـر والشعـار=ومنتدى الموروث يعجبني واحد دعاني لـه مقـدار=واللي دعانـي يقدرنـي أبو ذياب= يامرحبا ازادت الانور =بحضورك اليوم أسعدني شرفت يامن لنا لدار=يالحازمي قول وطربني |
انا من عادتي أجلس لوحدي ويكون جنبي البراد ولا القهوه وكنت أراقب القمر ودخلت جو وعدى علي واحد من العيال وشافني وقالي أكيد فيك شي وووالخ وقلت له ياشيخ لا تتبلني حرام عليك وفجأه جأت الكسره على بالي لما راح:
قاعـد مـع الليـل والقمـره=أصـــب وأرد فنـجـالـي من شافني ... يبتئلي ؟؟ بحسره=يقول فاقـد (أعـز) غالـي!!! |
مشتكي ورد في منتدى نخبة الشعار
أبو ذياب= سـؤال ؟؟ منـي لكـم ملـزوم = فيـه مـن الـهـم مشقيـنـا العين عافـت تـذوق النـوم = والنفس ضاقـت تـرى فينـا حبيت والحـب ماهـو لـوم = وهـو مـن الحـب معطينـا كانت حياتـي فـرح وسلـوم = وبعض اليالـي عتـب لينـا عاهدت نفسي أظـل محشـوم = عشـان يرسـى ف مراسينـا واللي لقيتـه أسـى وهمـوم = راح وغـادر شواطيـنـا !! ضاع الأمل ،،، في حياتي كوم = وضاعت حياتي ،،، ومساعينا الـى متـى حالتـي بــدوم = يهل الهوى تجملـوا فينـا ؟؟ جليس الليل عارف الشطيري= كل شي عند العرب معلوم = ونحنا بالأحكام ومدينـا والجو تأتي عليه غيـوم = طول المدى في ليالينـا اللي في بحر الغرام يعوم = لايقول الأخطـار تفنينـا لاسار في واقعه محكـوم = لايقـول مافـات يكفينـا ماشي يبقى ابد محسـوم = حتى في الأعمار ياخينـا اقبل نصيبك من المقسوم = واللي من الرب يرضينـا |
أبو ذياب= لأجأت عيني بوسط العين=وأستبشر القلب من أمـره يأهل ترى !! ناتج الأمرين=الحب من أول النظره؟؟؟ الحصن المنيع= لاكان عينك تشوف الزين=إحذر تراعيـه بالمّـره نظرات تذبح كما السكين=ونظرات من بعدها سكره |
الساعة الآن 03:02 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir