قصير حبل الكذب حتى ولو طال=مهما يطول بصاحبه لازم يبين
لابد مانكشف هل الكذب بالحال=بالحال والا تنكشف لو بعد حين
الحاصل ان الكذب راعيه محتال=ولافيه طيب ولامروه و لاديـن
نصاب مايوخذ كلامـه ودجـال=يبى يغش الناس والناس دارين
هو مادرى انه خيّب العم و الخال=غبي يحسب الناس مثله غبيين
هذا الذي مثله دني مهو رجـال=ولاله مكانه بين كـل الوفييـن
من النذاله مجلسه بين الانذال=ومن الردى دايم بوسط الرديين
في مجلس الحقران ملبوسه الشال=اختاره لنفسه زبون الشياطين
متسمي(ن)باسمٍ نزل به بلا حبال=في غبةٍ غطاه ماها مع الطين