قصيدتي سميتها نسمة الليل=لجله ويبقى سرها في بحرها
حفظ الآمانه من حمول الرياجيل=يوم الضعيّف خانها ماقدرها
بصحب قوافي نسمة الليل وآطيل=تفصيلها والمبهمه نختصرها
قصة غلا ماهي خرافه وتمثيل= بنقل وقايعها وآحرر اصورها
على الشرف والعز مانقبل الميل=لي سمعة فوق الحياة اعتبرها
اسري وعيني ترقب الجدي واسهيل=الرجل أمشيها بخطة بصرها
والغدر مالي في مجاله مداخيل=عيني عن ابوابه رفيع نظرها
ببدع شعر وآذلل القاف تذليل=اطمح كذا وان عاندت ماحتكرها
ساحة شعر تروى لجيل بعد جيل=ماهو انا اول واحد مبتكرها
لبيه يارع الرموش المظاليل=اللي تناسق كحلها مع حورها
رسالتك تجتاز كل المراسيل=حروفها عندي تعادل ادررها
رسالة الغالي غلا مثل ماقيل=طبيعة بالنفس كلا ذكرها
آمر ولك مني حفاوه وتدليل=ياوردة البستان واحلى ثمرها
ياعود موز مع نسيم الهوى يميل=يلتف من حوله طوارف شعرها
من زهره اليافع ومن ورده اكليل=فيه امتزج لون الخدود وقمرها

قصيدتي سميتها نسمة الليل=لجله ويبقى سرها في بحرها
حفظ الآمانه من حمول الرياجيل=يوم الضعيّف خانها ماقدرها
بصحب قوافي نسمة الليل وآطيل=تفصيلها والمبهمه نختصرها
قصة غلا ماهي خرافه وتمثيل= بنقل وقايعها وآحرر اصورها
على الشرف والعز مانقبل الميل=لي سمعة فوق الحياة اعتبرها
اسري وعيني ترقب الجدي واسهيل=الرجل أمشيها بخطة بصرها
والغدر مالي في مجاله مداخيل=عيني عن ابوابه رفيع نظرها
ببدع شعر وآذلل القاف تذليل=اطمح كذا وان عاندت ماحتكرها
ساحة شعر تروى لجيل بعد جيل=ماهو انا اول واحد مبتكرها
لبيه يارع الرموش المظاليل=اللي تناسق كحلها مع حورها
رسالتك تجتاز كل المراسيل=حروفها عندي تعادل ادررها
رسالة الغالي غلا مثل ماقيل=طبيعة بالنفس كلا ذكرها
آمر ولك مني حفاوه وتدليل=ياوردة البستان واحلى ثمرها
ياعود موز مع نسيم الهوى يميل=يلتف من حوله طوارف شعرها
من زهره اليافع ومن ورده اكليل=فيه امتزج لون الخدود وقمرها