ماحصل المغرور من كلمتـه شـي=وعلي مايشكـل كـلام الحسـودي
الامـر مايعنيـك تامـر وتنهـي=وراع الغلـط مايستفيـد ويفـودي
انا اعتزي في عوف من نسل جدي=هم عزوتي وقت الرخاء والشدودي
ربعي حمايل عوف عند اللقاء الحي=ميقافهـم يشفـي جمـيـع اللهودي
ليّه عليهم حق واضح تقـل ضـي=ولهم علي حقوق مانـي جحـودي
اليا دعوني جيت مجهد ومصخـي=عيب علي امنع عليهـم جهـودي
الرجل يعرف وين يمشي ويلجـي=بعد الله المعبـود خيـر معبـودي
مافيه عيـب اليـا تمنيـت ربعـي=ربعي جبر ساقي وقوة عضـودي
فينـا رياجيـل تكـرم وتعـطـي=وتاقف مع اللي بالقبيلـه صمـودي
وراع القبال السي ومولـف السـي=هذاك مالـه بالجماعـه وجـودي
واسند على حمدي وش الراي بالعي=قلي يابن ماطر عريـب الجـدودي
انته كلامك لاحصل منـك يشفـي=كبـد لهدهـا بالكـلام الهـبـودي
كانه بجيل الغي يعفى مـن الغـي=وكانه حسود وفوق ذلـك حقـودي
والله ان يوجس من مراقيعي الكـي=راع الخطا ماقيـل فعلـه يـزودي
انا اطبخه الين ينجض بـه النـي=والا اتركه في ضل سبع الاسـودي
انا سنـد لحسيـن واخيـه بركـي=ومن هيبتي يركد عنيـد وعنـودي
واداوي المرضان حسـب التولـي=اجـرده واقـول صـح الرقـودي
واخترت ابوثامـر اينابـا وينبـي=شاعر مميز من سلايـل فهـودي
وكل ازملاي استنكروا ماحصل لي=دقوا علـي وباشـروا بالـردودي

حي القصيد و حي من وجهـه لـي=وترحيب في مبـداي وأول ردودي
رحبت به من قلب صافي وعفـوي=وفزيت له بالطيب وأشعلت عـودي
بالشاعر اللي خصني وأحتزم فـي=وعداني بمدحـه جميـع الحـدودي
شاعر مايبغى وصاه مثله يوصـي=وللشعر عدن من كبـار العـدودي
شاعر ومن جزل الطواريق يشـري=وأن طب وسط السوق ماهو شرودي
من عوف ربعي مدبت كـل شـري=ومطوعين اللـي عسافـه يكـودي
قومن تشوش امع الفخر والتعـزوي=وبالفزعه أدناهـم يقـوم ويـذودي
ساعة سمعته قمت ووميـت بيـدي=وناديت .. يالقيفان بالشعر جـودي
وجني مغاتير المعاني مـن شـوي=وردتهـا عـدن يسـر الـورودي
دامه طلبنـي راي ملـزوم أبدلـي=بالراي والفكـره عساهـا تسـودي
يادالـه أن كـان المقاديـر تبلـي=وأنت ابتليت بمن ينـوش الحيـودي
اللي مسك له درب من دون يـدري=وقام يتهبد تقـل هرشـن هبـودي
وصله ماسـده وأتركـه يابناخـي=مالك ومالـه دام سمـع الرعـودي
خله يهف وهفة مقيـط هـي هـي=علـه يـروح وروحتـه ماتعـودي
من ذاق سم الداب يجفل مـن اللـي=واليـا تحلـم زاد هـم ونـكـودي
لو فيه خير ولحيتـه تكـرم لحـي=ماكان يطـرح للمكـارم عمـودي
ولا كان يحسد من جلس داخل الفي=ولاقام يسعى في شتـات البـدودي
لكن مدامك يابـن عايـض تعـدي=وترقى الرفاع وكل دربك صعـودي
لاتلفت باهـل الـردى والتمهـزي=ناسن تعـادي مـن يتـم العهـودي
لو شفتهم بلبـاس طيـب ويضفـي=اقلوبهـم تلبـس ثيـاب الجـرودي
ماكل من سمـوه نشمـي ينشمـي=ولاكل من طب الجزيـره سعـودي
ولا كل من يمشي يبي يصير طرقي=بعض العرب مشيه لسحب الجلودي
ولو كل هامل تاجده صـار مـذي=كان أمتلى بيتـك بكثـر القيـودي
قلته وهذا الراي صايـب ومخطـي=وأنته فهيم و فـي يديـك الزنـودي