المشاركة الأصلية كتبت بواسطة علي حاسن (المشاركة 812772) بارك الله فيك خل العلم مابين المحاني=وخل معنانا ثمينا والحيا ترعد مزونه السوالف لو درى عنها فلان ابن الفلاني=ماتحقق مابغينا والحيا ترعد مزونه

بارك الله فيك يالو فالمثاني علم ثاني = يالله اصبحنا مسينا . والحيا ترعد مزونه
معك يالو ان ودك من زمان اليا زماني = فاللوازم حاضرينا . والحيا ترعد مزونه

البيرق المنصور =
ياسلام الله عليكم كلكم قاصي وداني = لن بغيتونا حصلنا . والحيا ترعد مزونه
الشجاعه للشجيعي ماهو للرجل المهاني = مير خير الله يمنا . والحيا ترعد مزونه
علي حاسن =
مرحبا يالبيرق المنصورولساني حصاني=جيبها منا ومنا والحيا ترعد مزونه
انت شاعرلك مقامك والله جابلك اقحطاني=الله يمنك و يمنا والحيا ترعد مزونه
البيرق المنصور =
البقا من لا يصونه مايقرر فالوزاني = الله لا يبطل عملنا . والحيا ترعد مزونه
ماعليك نزود يالنشمي ولك منزل وشاني = من جهتك ومن جهتنا . والحيا ترعد مزونه
على حاسن =
ياقبيلي ياقبيلي سرها والعمر فاني=واليمنا باليمينا والحيا ترعد مزونه
ودنا نحقق معاك احلام ونحقق اماني=قول تم وقل سرينا والحيا ترغد مزونه
البيرق المنصور =
ياعميلي ياعميلي لو تدق النقرزاني = جاك دق النقرزينا. والحيا ترعد مزونه
رجل واحسب للنشاما بالدقيقه والثواني = نهجنا الاسلام دينا . والحيا ترعد مزونه
علي حاسن =
بارك الله فيك خل العلم مابين المحاني=وخل معنانا ثمينا والحيا ترعد مزونه
السوالف لو درى عنها فلان ابن الفلاني=ماتحقق مابغينا والحيا ترعد مزونه
البيرق المنصور =
بارك الله فيك يالو فالمثاني علم ثاني = يالله اصبحنا مسينا . والحيا ترعد مزونه
معك يالو ان ودك من زمان اليا زماني = فاللوازم حاضرينا . والحيا ترعد مزونه

المشاركة الأصلية كتبت بواسطة البيرق المنصور (المشاركة 812775) بارك الله فيك يالو فالمثاني علم ثاني = يالله اصبحنا مسينا . والحيا ترعد مزونه معك يالو ان ودك من زمان اليا زماني = فاللوازم حاضرينا . والحيا ترعد مزونه

الليالي سرمديه كيف بنشوف المباني=ماعرفنا اساكنينا والحيا ترعد مزونه
مير في الخاطر عليكم ياقبيلي علم جاني =ان صدرنا وماروينا والحيا ترعد مزونه