ملتقى قبيلة حرب الرسمي - سالم العرم .. انا اشهد ان الغالي امي وانا ابوك

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

اللهم امين والله يرحمها ويغفر لها يارب

وصح السانك وبيض الله وجهك

اشكركم على مروركم الغالي

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .

تحياتي

قريت هذا النص مره ومره ومره
وعرفت انني اذا قرئته مره ثانيه سوف اتبعثر وابعثر النص
لذا اعترف انه كتب بريشة اكبر عفاريت الشعر

صح لسانك على القصيده
والله يرحمها ويغفر لها

اقتباس:

المشاركة الأصلية كتبت بواسطة سالم العرم (المشاركة 811964)

البارحة دكدك علـى القلـب داكـوك
سمعت لي كلمـة وثـارت شجونـي

انا اشهد ان الغالي امي وانا ابوك
اللـي غذتنـي ليـن كبـرت متـونـي

اللي تحط ايدينها لي عـن الشـوك
وتقول انا دونك ولا تصيـر دونـي

يوم القسا والناس ما عندها بنوك
تشري لـي الغالـي ولـو بالديونـي

شرت لي الموتر وعبت لي البـوك
وقالـت تحـرص لا تخيـب ظنونـي

بسيط لكـن عايشـن عيشـة ملـوك
اعطي عيال الاغنياء مـا عطونـي

ما طاوعـت فيـه مبـارك ومبـروك
اصحابـي اللـي قصدهـم يزعلونـي

باب السماحه عندها غير مصكوك
تبكي إليا دمعـي نـزل مـن عيونـي

لعلهـا فـي جنـة الخلـد انــا ابــوك
وياللي سمعتوا دعوتي جاوبونـي

صح لسانك مليون ولايكفي على هذه الشامخه والمعبر اخي العزيز سالم العرم والله يحفظكم

الله يرحم امك وامي ووالدينك ووالدينا وامواتنا واموات المسلمين والله يبيض وجهك يابو خالد على القصيده الثمينه وهي كنز غالي ومكسب لنا كلنا نتغنى بها وندعو لمن تستحق الدعاء بالرحمه والمغفره في كل وقت
الله يجزاك عنا خير الجزاء ويجعله في ميزان حسناتك وصح الله لسانك يابو خالد ولافض فوك

اقتباس:

المشاركة الأصلية كتبت بواسطة سالم العرم (المشاركة 811964)

اعيد وكرر واقول صح لسانك والله يرحم والدتك يالغالي
الله يعطيك العافيه
بيض الله وجهك

اللهم امين
صح لسانك مليون على القصيده
والله يعطيك العافيه
بيض الله وجهك

اّاّاّاّاّمين 00صح لسانك00اخوي سالم العرم 00