ونيت قالو علامك قلت بيا زايد الود=الود يحيي وانا اللي من ودادي هس حالي
ستين عامن مضت واظن تقفى خمس فالعد=والود يطري علي بس وقتي ماصفالي
مرات اقول الوداد الحر ماحدن حطله حد=ومرات اقول الوداد ان بان شيبي ماهيالي
وانا هوى الزين لا منه طرالي شدني شد=اموت واحيا على طاريه لا منه طرالي
ميزت حالي ولني للعلوم الغانمه عد=حاسب حسابي وعارف مكسبي من راس مالي
واني بشده وعده ماعدلت المزح فالجد=اشيل حملي وادرهم به كما حر الجمالي
بعده هويت الغزال اللي نحيل الخصر والقد=وامني الروح بليامه ويصبح من حلالي
بينت انا الود لاهل الود راع الود مارد=وانا اتحرا الجواب اللي منه يستر بالي
صابر وانا خابر ان الصبر كثره بيح السد=واطلب من الله يساعدني على حالن جرالي
قالو لي الناس ريح قدمك الهجران والصد= لا تتعب القلب والخاطر ترى مالك مجالي
من شاب ماله قسم فالود لو اكرمت بالمد=الشيب والود هم خصمين فالاول وتالي
وقلت هذي غريبه ماخبرنا الود له ضد=والشيب ماعاب ابن غانم ولا زيد الهلالي
الله لعل الحياه اللي بليا ود تنهد=انا اشهد ان الضمير اللي بليا ود خالي
اليوم اشوف المود يجر بين الجزر والمد=ياناس فايات مذهب حل تحريم الحلالي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

من حكمتن قالها مضحي عريب الخال والجد=اخذت عبره واقدمها هديه للرجالي