ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلــتــقــى الــقــوافــي (http://www.m-harb.net/vb/forumdisplay.php?f=8)
-   -   ( والنعم في مضحي ونعم بخواله ) قصيده موجهه إلى الشاعر القدير مضحي بن جمران (http://www.m-harb.net/vb/showthread.php?t=60482)

خالد اللهيبي 13-02-10 04:10 PM

صح لسانك يابو عبيد وكفو والممدوح بعد كفو والنعم بمضحي ونعم بخواله والنعم بالجميع

وابو احمد حبيب الكل والله يستر عليه ويجيبه بالسلامه

واشكرك يابو عبيد وكعادتك جزل ولاتجيب الا الجزاله بيض الله وجهك0

سلطان الفريدي 13-02-10 05:30 PM

صح لسانك ياصقر المراقيب
ومضحي يستاهل

عبدالله عتيق الحنيني 13-02-10 08:15 PM

صح السانك

مليون صح السانك


ومضحي بن جمران


كفو يستاهل المدح والثناء

صح السانك وسلم بنانك

الــ م ــنيفي 13-02-10 08:35 PM

صح لساااانك

والله يعطيك العافيه

والممدوح يستاهل

صقر المراقيب 26-02-10 04:19 PM

حميدان العوفي
الف شكر لك

علي هليل الحربي 27-02-10 09:35 PM

صح لسانك وبيض الله وجهك

تحيتي وتقديري

صقر المراقيب 26-03-10 07:41 AM

سعد رجا الحصني
اشكرك على مرورك
وماعليك زود ياغالي

صقر المراقيب 05-04-10 03:01 PM

الحب الباقي
مشكوووووووووور

مضحي بن جمران 07-04-10 02:07 AM

اقتباس:

المشاركة الأصلية كتبت بواسطة صقر المراقيب (المشاركة 663984)
/
/
/
/
/
/
/
/
/
/
/
/
/
/
//
/
عندي طلب بطلبك ياطير شيهان=ياسايح ٍ بالجو عارف حواله
خذ هالرساله دام نور الضحى بان=شمالك الشرقي توجه عجاله
مخبور بالخفجي لنا خير صدقان=رجل ٍ يزيد المد للي وفاله
اللي ورث عادات للجود واحسان=من شايب ٍ مبداه نهج العداله
مامات من خلّف مثل صار عنوان=للي معقّب في عياله رجاله
ياطير مقصودي على ذيب سرحان=له فزعة ٍ يشهد بها من شكاله
مضحي ولد جمران مرحوم جمران=والنعم في مضحي ونعم بخواله
كسابة النوماس في كل ميدان=بني عمر قوم الوفا والجماله
ياطير لامنك تلاقيت ذيبان=قبّل حجاجه قبل مد الرساله
مكتوب له فيها عن الحال تبيان=من عندنا يبداه لفظ الجلاله
مشروح به في قول موجز ومليان=علم ٍ يبيّن صاحبه كيف حاله
الاوله حالي بها زود نقصان=كنه قصدني سحر صاحب دجاله
اللي يعينونه على فعله الجان=راع العقد والنفث لا طاب فاله
وانكان عاش الوقت في خير وامان=يوم القيامه يبتلش في غلاله
والثانيه بالود ماني بنسيان=الصاحب اللي مالقينا بداله
غرو ٍ وعدني بالصفى صار خوّان=واليوم يعزمني حضور احتفاله
والثالثه موقف يخليك حيران=لنّك تضنه علم فيه استحاله
وشلون صدقاني يصيرون عدوان=وما صابهم مني قصور وجهاله
ودامي كتبت الخط للرد شفقان=عجّل ترى صاحبك صعب احتماله
وصلي على نور الهدايه والايمان =اعداد سوّاح البشر في صلاله
الشاعر / خالد بن عبيد بن معتوق ألأحمدي

صح لسانك ورفع الله مقدارك يابن الاكارم لاهنت ولاعليك زود يابو عبيد يالوافي جمل الله حالك وان شاء الله تبشر بالرد والله يقدرني على اللي يجمل منك وتقبل مني صادق ودي وتقديري ياصقر المراقيب وسلمت ودمت

صقر المراقيب 14-04-10 07:47 AM

اشكرك
اخوي الغالي / بخيتان البشري



الساعة الآن 02:42 AM

Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi