يا مرحبا بالشاعر اللي خط حرفه بالمداد= شاعر وله حكمه وله مفهوم في كل النقاط
ابدعت فيما قلت بالحكمه وبالراي السداد= كل المعاني الساميه يالقرم تلقطها التقاط
لكن مفهوم السياحه عندنا ما بعد ساد= برا تطورها يشاف و عندنا فيها انحطاط
أهل السياحه عندنا مفهومهم كسب و حصاد = ياكيف ياخذ ما في جيبك لو ما فيه انبساط
ما فكروا كيف الشباب يضيع في بلاد الفساد=ما استثمروه وفروا له ما يريد بلا اشتراط

قالوا ترى الترحال به عدة مزايا تستفاد= سافر و تكسبها و ترجع و انت مفعم بالنشاط
قلت ايه هذا من زمان، اليوم كلش في كساد= و داء الخنازير ارتفع في كل ديرة و استشاط
و الله بلانا بسمعة اهل القاعده و احمد نجاد= والعنتريه في لغتنا في المنابر و الهياط
نصيحتي خل السياحة داخليه في البلاد= وفِّرْ فلوسك و ان صرفت ريال يرجع احتياط
تعرف بلادك كل ضلع وكل واحه و كل واد= و تعيش عيشة ملسمينٍ لا سفور و لا اختلاط