صحيح الخط رايح وين يقرا من عناوينه=واقول الخط رمز حروف والمعنى عليه استار
ويلوم الطرقي اللي فاقداَ غالي بعارينه=غشيماَ ماسرح بالبل ولاأ عمره مشى دوار
وعليك الله وأكبر يا الزمان اللي معاوينه=من الحبه بنو قبه وصارن الصغار أكبار
تحدث عن وصول الشعر من يجهل قوانينه=حديث المفتي العالم بقصد الثعلب المكار
واقول الشعر رواده عن التزوير حامينه=ولاأ هزت مشاعرهم اسلوب مسلسلة غوار
هل الصنف الكلام من اوله لاتلااه موحينه=وانا دايم مع اولهم واتابع نشرة الاخبار
واقول العلم واسع والكلام الزين يازينه=واخلي فرصة التحكيم للعاقل من الشعار
يحدث بالحديث اللي جميع الناس راضينه=علشان الجواهر ماتغش وترخص الاسعار
وترا اللي ينصر المسلم مع التوفيق ويعينه=اليا منه تجنب سيرة اللي يقلد الكفار
ودورله صحيباَ معدنه صافي على دينه=مثل ناجي وانا ماصاحب الاأ من الرجال أخيار
تصرف ياالدعيجي والوفا عندك موازينه=تقر وتمتلي من شيمة الطيب وقدر الجار