يامل عينٍ لذيذ النوم ماجاها=والنوم ياصفوة الاصحاب ماجاني
الليل دايم يطول فيه مسراها=في كل ليله بهذا الوضع سهراني
عين العناء مابخلت اقوم برضاها=لو اقنعتني بسر العلم ورضاني
انكانها عاشقه ادور امناها=يمكن لها لفتةٍ في خدر الاعياني
وانكان حب الدراهم قام يشعاها=يمدها واحدٍ ماهو بمناني
ياعين نبي المياه ترد مجراها =لاطولين السهر ياعين من شاني
قالت ذنوبي كثيره قلت ابا انساها=امسامحه بس منك السهر ينساني
قالت بي العله اللي يصعب دواها=دكتورها لو تدله كان دواني
ذا لغز له رمعتاً وشلون نلقاها= الله على العين وش جاها تحداني
قالت تدل الدروب وعمد تغواها=علي مثلت فالخطه عمياني
عندك خبر خطةً لقمان سواها=ليت العرب تلتزم في هرج لقماني
عذرت عيني بعد عرفت دعواها=من وضعها مالها راحه وسلواني
شكواك بعد الله الرحمن منصاها=اخوان نور عزاز القدر والشاني
وليا دعونا لهيب النار ناطاها=وارواحنا ماتروح بخس الاثماني
ومن دور الطايله ياعين يلقاها=للطايله سعرها ماهي بمجاني
ياعين دونك جبالٍ صعب مرقاها=بسفوحها كم تحطم راس شيطاني
ياعين يلقى عماه اللي تهقواها=مير ارجهني وروفي بابن جمراني