[تنشد عن الحال ياسيد المزاييني = واقول طيّب وكيفي ماهو بطايب
أبسألك لا متى يا كامل الزيني = اتهاب من جيتك لمجري الهايب
في ذمتي ما ينزّل دمعة العيني = الاّ عذاب الفراق وصدّة الغايب
يآخر طموحات قلبي لا تخليني = بين ازمة القلب عاشق والعقل تايب
عجّل علي لا عدمتك يامعنيني = قلبي عطش من ظماه وسكره ذايب
ملّيت من كلمتك وينك وانا ويني = لا جبت حلّك ولا حلّي معك جايب
بالله تدري وش اللي عايبٍ فيني = اني ابي واحدٍ ما يقبل العايب
وبالله تدري وش اللي منك يغنيني = خوّة جناب الكفو ومفارق الخايب
فكانك تبي جيتي باجيك ذلحيني = وماني بقايل من اللي مخطي وصايب
وكانك ما تبغى مجيي يانظر عيني = ان عاد جيتك فانا مانيب على الشايب