لاجيت بأكتبها تهاديت .. وارهيـت=وارزيت لأكتب حرف ممـا وردهـا
وإن قلت بأوصفها تراخيت واخطيت=لجل الشعر أغـزام مهمـا صعدهـا
وأحيان بأذكرها عن الذكّر سجيـت=عشت الجفاف وضاع فكر(ن) جردها
واليوم يوم الشعر واليوم يا البيـت=اختار تسكن فالضلـوع أو مهدهـا
و هي مشكلة فعلا إذا كنـت حبيـت=وتعيش لحظه فـي نواحـي بلدهـا
قبل التلاقي عطرهـا يـوم شميـت=حسّيت بأم العشـق تبكـي ولدهـا
واشم لها حبي على القلب بالزيـت=وشايل لها فرحـه تسابـق وعدهـا
وآشملها دوبك على الـروح ياليـت=تمطر علينا مـن سحايـب بردهـا
دافع لها عمـري ولا قلـت وفيّـت=وتمون لو تطلـب اعيونـي بعدهـا
كنا بتجمد و بعد التبخـر تساميـت=وقوة تجاذب .. ما نيوتـن وجدهـا
وقوة غرامك في فـؤادي ديناميـت=وتهز غابة عشـق قلبـي أسدهـا
شفتك ولاشفتـك وكنّـك تواريـت=خلف الجموع الضاربه فـي لهدهـا
وخفتك وهبتك كنت خايف تناسيـت=وطارت طيور الشوق للـي فقدهـا
جمعت حبي فيـك حتـى تساويـت=بالجمع والقسمـه وناتـج عددهـا
أنته لهذا العشـق عمـرك تربيـت=وأصبح وفاك خيـام ثابـت وتدهـا
ولاتحسبني عن غرامـك توانيـت=بأبقى على عهدي و يبقى عهدهـا
كان السبب علقم غيابـك وعانيـت=دمع العيون الحايـره مـع سهدهـا
بأطراف حبـك ياحبيبـي تراميـت=وأطراف حبي لـك ضايـع حددهـا
سنين مرّت فـي عيونـك تباريـت=سهم إلتَهب حرّاس خصمي جلدهـا
وساعة لمستك شب قلبـي كباريـت=من شوق ثايـر فالسنيـن وأمدهـا
يحفظك ربي من عيـون العفاريـت=ويجعلك قسمـي بـد يلحـق أبدهـا
ماني بعاشق عدل..عشقي طواغيت=يظلم ظروف الوقت واللـي نقدهـا
عامين وأكثر في غرامـك تباهيـت=وعامين تنقش في عيونـي سعدهـا
حبيبتي ماهيـب ديانـا وماجريـت=وش جابهن ياشيخ ..ربـي فردهـا
العين مدفـع يقلـب الحـي للميـت=ورموشها تكشف ملامـح رغدهـا
وخدودهـا جنـات فيهـا تمشيـت=وأفضـل مواقـع للسياحـه نهدهـا
أفديك ياعمـري بعمـري وناديـت=أفديك يانعمـه كفـر مـن جحدهـا
حان الفراق وصافي الدمع صبيـت=وأفراح قلبي سجن همّـي صفدهـا
أهديتني ذكرى عزيـزه وأعطيـت=أصدق مشاعر خط قلبـك سردهـا
ياكيف أفارق أرض فيهـا تواريـت=وقلبي اندفن جثمان داخـل لحدهـا
مكـره أخاكـم ف(...... )تغديـت=وصليت فرضي ثم دعيت بسجدهـا
يارب سترك مـن حيـاة التناهيـت=وأطلبك راحـه فـي ليالـي رقدهـا
ماهي بكلمـه قلتهـا حيـن قفيـت=ولاهي خطابات السياسـي حشدهـا
بأهديك ورده دامك اليـوم اهديـت=ومادمت عارف سبتها مـن أحدهـا
تكفيك ياعمري عن أشعار خطيـت=وكل الحروف صغار وأنتي عمدهـا
حاولت أكتب .. لكن اليوم ازريـت=والناس تفرق .. فالقلوب وجهدهـا
فديت شمعه داخل الـروح ضويـت=وتبقى لي الشمعه .. وأبقى وقدهـا