يامرحبا حياكم الله في محل اهل الفعول = اهل الفعول الي تغيض الخصم وتسر الصديق
من غير قاصر ياجماعه في راياجيلن زحول = والي يبا يقدم لها بيني وبينه ما تضيق

دام البقا ياشايبٍ عارف وشايل للحمول=بالله من اللي يقلب الددسن على جال الطريق
وانته تقول انك تبى تلقى لكم مزحه قبول=وان كانها ماتنقبل ماني مولعها حريق

اهههههههههه
أستلم يالمعمري

دام البقا ياورع لاتزعل وخذها بالقبول = خذ هرجةً مني ونا شايب وعلمي لك وثيق
ترى السبب انتم وحنا والله انا في مثول = جيلن ليا منه مشى يمشي بسرعه مايفيق

العمر مايعني نضوجك فيه ناس بلا عقول=ياقربكم ياقربكم ماني بقايل يالرفيق
الددسن اللي قلتها ماانته بفاهم يالميول=اللملعبه في حينها في حينها دايم تويق

حنا بنينا لك علومن طيبه فعلاً وقول = يوم المراجل صعبه ولاكل رجالن يطيق
ياورع اثركم كارثه تعرف تطبل فالطبول = مار انتبه سلك العلاقه بيننا اصبح دقيق

انا ذلولي ماشيه فالدرب ماني في ذهول= ولا انت يافارس زمانه حاير وجرحك عميق
هذي دروسن جاتلك من شايبن ماهو زعول = ترى الحقايق تزعلك لاصرت رجالن حميق