ملتقى قبيلة حرب الرسمي - . . . ( كل عام وانت بخير وأحلامنا بخير // وكل عام أبادلك الرسايل تهاني ) . . !!

اقتباس:

المشاركة الأصلية كتبت بواسطة منصورالمعمري (المشاركة 255736)

مساءكم سكر :
.
.
كل عام والخير أنتم . . وكل عام والملتقى يرفل بثياب العز :
أخر ماكتبت . . هذا الصباح كان مختلفا ً بكل تفاصيله . . فيما يلي أصدق ماكتبت :

أخذني الحزن يوم العيد ودعني= وانا انتظر ( عيد الاضحى ) لاجل اعايدها
اللي غلاها من اول يوم ضيعني= مما اشوفه غدى عمري على يدها
راحت وانا رحت والحرمان يتبعني= والجمله اللي على لساني أرددها
ياليتها مثل كل الناس تسمعني= لكن قضاها سنين الهم تبعدها
( العيد دونك يااغلى مترفة يعني= غربة لقلبي وآمر بدونك وآدهى )
ياللي غرامك مخولني ومانعني = مشاعري مابقى شي يقيدها
عامين والشوق ينهاني ويدفعني = والذكريات القديمة وش فوايدها
أشياء كثيرة على شوفك تشجعني = وأنتي شطبتي همومي قبل أحددها
قبل يتنامى الحزن أكثر ويقطعني = من باقي العمر وجروحي يجددها
كل عام وانتي بخير. . (وقلبك المعني = بالتهنئة ) . . والمشاعر من تفردها
وياعيد تكفى على جرح الهوى دعني= وعلى حروفٍ نست تاريخ سيدها
وإن كان ودك بعد شكواي تنفعني= تردها يمكن احزاني تبددها

.
.
منصور المعمري
19/12/2007م

قصيدتك كفو وانت نوماس وعلمك غانم

صح لسانك وانا اخوك على هلقصيدة الأكثر من رائعة

من شاعر جزل ومتمكن ..

شكرا ً لك من الأعماق على هذا الحضور وهذا الابداع

وتقبل خالص تحياتي وتقديري