الشك زايل وانا ترى وسيع البطان = صاحبك مهما حصل دايم وهو يبتسم

الخوف يابو هليل مايخاو الآمان = اسالك عن رجل مذكور(ن) توسط وسم
ماهو بعاقل ولا له بالعقل من مكان = لو إن له دور بالسنه وداخل جسم

ياصاح ماني ردي لاخان دور الزمان = سيفي يرد العداء والحق ماينقسم

لغزك سنونه ثلاثه شانهن معه شان = لولاهن ماينعرف لو ترسمونه رسم

ماجيت اجربك في وقت الخفا والبيان = سيف (ن ) مجرب حملت الفعل هو والاسم
حبيت امازحك مابين القسى والليان = وصح الله السانك ولغزي حسمته حسم
صح اسانك ابو هليل على الحل وانا مالي باللغاز هاجس يذكر لاكن حبيت امازحك
لسبب انا من الناس الي دايم يوم اجي وهم حاطين على السفره لبن قليل الدسم وزبادي قليل الدسم وقشطه قليلة الدسم ثم زنقونيها وحطوها قدمي لاني اعاني من بعض الامراض العصريه سكر وضغط ومعه ويوم جيت وإلا ابو هليل حاط لغز قليل الدسم وحبيت امزح معه
اسال الله ان يشفينا ويشفي كل مريض ويبلغنا رمضان واياكم ويجعلنا من صوامه وقوامه
تحياااااتي

صح لسانك يابوهليل وصح فكر ابوفهد ماشاء الله قضا عليه من اول وهله

صح بدنك يابو هليل الله يطول عمرك ولي الشرف في حل لغز من نظمك: