ما ذخرت الشعر لآ هيّض شجوني = لآ دعاني قمت أغني في لحـونه
شاعرٍ شعـري مثل وبل المـزوني = لا نـزل قـفـرٍ لـه البــدو يعنـونه
دون ربعي حرك الموقف سكوني = دام رآسـي بالمـواقف يرفعـونه
والله إن الحمل من فوق المتوني = اثقـل مـن طويـق يلي تعلمـونه
يَ بني سالم ومسروح إسمعوني = النـــدا عـاجـل ولازم تسمعـونه
خالد الهزاع / في وسط السجوني = أفزعوا يَ حـرب لأجل تطلعـونه
خـالـد الهــزاع / يلـي تحتمـوني = من ورا القضبان بالسيف يحدونه
محـريٍ فـي ربعه تقـرّ العيــوني = ان صدر حكم القصاص يساندونه
مـن لحـمنا ودمـنا .. ولا يهــوني = لـه يهـون المـال لـوّكم تدفعـونه
ما تخيب الهقوه وحسن الضنوني = دام لـه ربعٍ عن المـوت يحمـونه