|
سفير اليمن يركض وجاله معاصير=على الموعد الي بينكم فالرغامه عسى الله يدبرها بزين التدابير=نهار المواقف مثل يوم القيامه |
صحت السنتكم والله يعطيكم العافية
|
اقتباس:
لا غارت خيول القوم خيالنا يغير=وكلن على راسه عقال و عمامه ليا راد ربي شي يا مشعل يصير=نهارن يميز بين صقر وحمامه |
صحت السنتكم وبيض الله وجيهكم
|
تقوله وتعرف فاللقاء سالم الزير=ليا عسكر البارود يجلا عسامه تبا تدهنون السير والسير بيسير=ولاكن وش ضوو عيال المنامه |
اقتباس:
نعرف القروم ونعرف صوير و عوير=وكلن على ما قيل يشهر حسامه هل السير للدهان صفت طوابير=وبعض العرب يشبه جلوسه قيامه |
تراه الهوى ماحرك طويق والنير=ولا دس راسه غير طير النعامه نعرف الجمل شقران والعير هو عير=عليه القرب وشعيل عندي خطامه |
اقتباس:
بعضهم سواة الحلم من غير تفسير=وكلن على كيفه يفسر حلامه ما اذمك تجيب العلم وتطير يا طير=وبرق الحيا يبرق فوسط الغمامه صح لسانك وبيض الله وجهك يابن العم تشرفت بمحاورتك ختامها عندك لا عدمناكم |
صح بدنك وجهك أبيض يبن العم والى لقاااءاات أخرى على الطيب والموده
|
محاوره قيمه نعم محاوره قيمه من زعماء شعراء المحاوره في الملتقى صحت السنتكم
|
الساعة الآن 09:41 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir