http://www.m-harb.net/vb/
ماهو بنقشٍ تنقشه لي حليمه

اشتقـت للحـنـى عـلـى كــل كـفـي
ماهو بنقـشٍ تنقشـه لـي حليمـه

يومٍ جــــو طـفـولــتي مـتْـرِفــي
ماتلتفـت فــي العـيـون السقيـمـه

ولاعرف نظـرات الحقـد والتشفـي
الــلــي يبـيـتـهـا غــريــم الـغـريـمـه

جـد يـلـتــي ضـفـيـرتـيــن تــضــفــي
مـثـل سـنـابـل قـمـحـة مستقـيـمـه

وغـرة صغيـرة للحجاجـيـن تخـفـي
يلعـب بهـا بـرد الربـيـع ونسيـمـه

واجهل لها الدنيا جهل قد عرفي
ماعرف منها غيرشمسٍ وغيمـه

وامي وابوي وضحكته كـل شفـي
واجــيــه لانــــاد ولــــو بـالـعـزيـمـه


لو مجلسه فيـه الرياجيـل صفـي
اجي ولا احسب للعلوم اي قيمه

طفلـة براءتهـا عـن اللـوم تعـفـي
مـامـيـزت نـقــا الــكــلأم وعـتـيـمـه


ليت العمر وقف عليها ويكفي
ولاجـــرب الـخـفـاق فـرقــا نـديـمــه

اولاً
الحمد لله اللي انا من سكان هذا الوطن العظيم اللي شرفه الله بوجود الحرمين
فوق ارضه الطاهرة
ثانياً الحمد لله حتى يرضى اللي حكامنا منا وفينا مسلمين موحدين
يرقبون الله في كل صغيرة وكبيرة

ودي اقدم على العالم عريضه=وتحجج ضد مخلوقن بلاني
امتلك قلبي وانا ماريد غيضه=لاقريب ولابعيد ولا هو داني
وسط خفاقي ملكني ملك غِيضه=يتحكم بالمشاعر في جناني
لاسطا المضنون له سطوة غليضه=بالخفوق تعيش به في جو ثاني
كن هالعالم دهر وانته بفيضه=نبتها نوار خالط ديدحاني
علها مزنٍ تقفى له نفيضه=له ثلاث شهور برقه عقرباني
كل مغدر بها زوده تفيضه=لين صارت تقل سجاد اصفهاني
ماسكنها الالقطا وعشاش بيضه=ومالفها من البشر لو مودماني
منوت اللي يمتلك وضحىٍ مغيضه=الطهيمي الو لفاها شاخ ثاني
شفتها بعيون من حبه فريضه=بلسم الاجراح لاهمي زواني
الفرح في ضحكته دايم يهيضه=فرحة الاطفال في عيد رمضاني
والحزن في حضرته عني يريضه=في وجوده ناسيه قسوة زماني
ياطبيبٍ عارفٍ علة مريضه=ان وصف لدواه طايب في ثواني
انت حزن مفارقك. شوفك نقيضه=للفؤاد اللي فقد طعم الحناني
وانت مشتى الشوق مرباعه وقيضه=في حدودك تاسره لاجاك عاني