ويش رجل حولوه لرجل ثاني = ثم تحول بنت في لحظة زواجه
ثم تحول رجل في عدة ثواني = يوم جهز للمنيه والمواجه
وكلما غير يسمى بالفلاني = ولايتزوج ويتسمى في مزاجه

وشالعجوز اللي بوصط الصحاري = تنبيك عن ماض توارى بريقه
برسومها لااهل المعرفه مواري = من شوفها تطري عليك الحقيقه

انشدك عن رجل يغير مذاهبك = كله حلا لكن مالله بمحليه
اللي ليا منه تعلق بشايبك = والا بغيره رافقه ما يخليه

انشدك عن ورع يشال ولايشيل=وتطعن اعيونه بالرماح المدميات
ليا خنقته ينفع ونفعه قليل = وليا تركته صار مثل المهملات

يامن يجيب العلم عن شي مرفوض = والمتهم به عالم ماسعوا به
اللي خراب ومنه ابو خير ممروض=امر حدث والعارفين اهرجوابه
فعل حصل كنه على الكون مفروض= من عالم كل العريض افسدوابه
واليوم موضوعه على العلم معروض= عقب بدت مشاكله فكروابه

وشبنت ابوها المفيده= اللي مربوطه باسفلها
ابوها عود ياجيده= ويحتاج البنت وعملها
ان زار اديار بعيده= البنت بشغله شغّلها

وشبنت ابوها البليده = لكن ابوها ضللها
سوتها لبوها عيده= قي بطن ابوها ماجملها
لاقريب ولابعيده =وبعض خلق الله يجهلها
يازبن البر وشديده = رح دور عيده واسئلها

انشدك عن بنت لها صدر عريض =تاكل وترسم للملا من زادها
طعامها ما هو بني ولا نجيض = وللي يجيبه شايب يرتادها
مسارها يطرق عقب يصبح غليض=ولاتعمل الا مع جميع افرادها

انشد عن اللي يتصف بالضخامه=مشهورفي كبره وفعله ولونه
يحمل ويالد فيه روح وكرامه=ويوجهنه مع طريقه عيونه
وعسير وجباله وساحل تهامه=لوجابها لايمكن يعيشونه

يامن عرف بنت تأدي عملها= باوصط اعيال ويدفع البنت حرمه
تدخل صفوف اعيال على مهلها = وتحطهم نصفين ليدين قرمه