ونة خفوق =
سلام يانخبة الشعار=للمنتدى تم تصديره
أصلي مع ختمة العطار=صافي بعد تم تكريره
في وسط علبه من الفخار=سبحان من تم تسخيره
يعجب هل الدار والخطار=يهدى لمن زاد تقديره
أبن وازن =
ترحيب في نخبة الاخيار = للى لنا عد تحريره
في مظهره زاهي الازهار = وصفه لمن عد تصويره
عذب النباء تحمل الاشجار = سبحان من عد تدبيره
شرفنا من قدم الاثمار = ويشكر على الذوق تعبيره

الطواف =
عجّل علينا يابن وازن = بشكيلكم من عذاب الروح
الود لاصار متوازن = وش يجعله من هواه يروح
أبن وازن =
الود في جوك المازن = ورده..وفيها العبير يفوح
بشرع الهوى ماحكم رازن = قناعة القلب والمصلوح

ابو ذياب =
عليم ربى الملا ياصاح = أنك على البال والخاطر
لك عِرف لك بالمؤافاء شاح = شرواك أسف أنا قاصر
ابن وازن =
يانجم عالي فسمانا لاح = تسلم وفيك الوفا ناير
لجلك على الطيبه وضاح = يشهد على طيبك الناظر
ابو ذياب =
ياعود بالطيبه فواح = شرواك في قلوبنا حاظر
والأن يالصاحب اللماح =بشكي لكم من أسى جاير
ابن وازن =
فلليل الصفا نشعل المصباح = ونسهر مع حرفك العاطر
بجمع حروف الهجاء فلواح = وجيك يالمشتكي طاير
ابو ذياب =
دمع الألم والقهر فضاح =يوم الوفاء عنهم غادر
والله زادت بي الاجراح = صار الجفى طبعهم ظاهر
ابن وازن =
بعض البشر لبسوه وشاح = ويميزه معدنه النادر
دايم فنهر الوفا سباح = مثل المزن طيبه ماطر
راعي المثل يجني الارباح = ويصبح مابين الملاء تاجر
واللى معه بالتجاره طاح = يعود بعد الصبر شاطر

أبن وازن =
يمـكـن حقيـقـه فـواقـع لـــو = حال المعاني حسب ظني
سلام يلمس شعاع الضو = مابـيـن لــو كـــان يمـكـنـي
عنيد الوقت =
مابين هبة هبـــــــوب النو = وما بين اعـــّــرف ولاكني
ترحيب يجلى غباش الجو = غني على الحرف واغني
أبن وازن =
رأقت معك المعاني تـو = يا عـذب ياراقـي الفنـي
اللـى بهـم الثقـه ســدو = درب الوفا ونعزل عني
عنيد الوقت =
انا اشهد ان الكلام احـــلو = مادام حرفـك يراطني
لاباس مارضى عليك السو = عجّلي الشرح طمني
أبن وازن =
ريحت أذى فاحت أبعدو = فمبني به العرف والقني
لما البحر مد في ردو = مابين جاني ومتجني
عنيد الوقت =
اهل الجهل بالحسد مرضو = والعـرف شامـخ قـوي مبنـي
اصبـر تشـوف الخنـا شـدو = بالبسمـلـة تـحــرق الـجـنـي
أبن وازن =
يخلف لك القول من ظنو = ويمـلـك مفـاتـيـح فالـخـنـي
ضلو النصاري لجـل غلـو = وضاعو مع العلم والدنـي
عنيد الوقت =
اللي معـــاك النــــوايا لوو = لو يكسبوا ربحهم يفني
ان طعت شوري كمايا سو = الناقصة ما تشاغــــلني

أبن وازن =
كيف نجمع الشرق والمغرب = وأنظم حتى اليمن والشام
سلام لاهل الاداب مأرب = ترقى على حبره الاقلام
غريب الحرف =
من قبل نبدا بجمع وضرب=ونعشم الناس بالاوهام
ترحيب لأهل الصفا يطرب=يجلي كدر صفوه الايام
أبن وازن =
تسلم من أوهام للمخرب = ويبقى الصفا والقنون أنظام
أترك حماس التي تقرب = وكتايب الملح والقسام
غريب الحرف =
عاداتنا زلالها نشرب=من الشريعه بكل أحكام
من نبع هّداج في يثرب=ماهو من العين في الدمام
أبن وازن =
مخبور فيك المثل يضرب = محسوب واحد من الاعلام
لا دام طيب الصفا مكسب = أهل الادب وأحترام العام
غريب الحرف =
عادات غور المثل يحرب=وقن الصفا تفهمه الفهام
وأهل الأدب كسبهم مطلب=اللي على مذهب الاسلام

أبن وازن =
مبنى الرضا والتراضي باب = سـلام ساسـه علـى الرغـبـه
يأهل الكـرم ياولـي الالبـاب = يأهل الوفـا ارضكـم خصبـه
أبومبارك اليوبي =
لاهل الوفا عندي الترحـاب = ترحـيـب يانـايـف الهـضـبـه
مع الرضى والقبول ايجاب = عـلـى الصـفـا والـوفـا دربــه
أبن وازن=
عسى البقى والتلاقي طاب = مـــع مـثـلـك الـقــاف نلـعـبـه
للمسأله لو يصف احساب = مـا يضيـع اعـداد فالحسبـه
أبو مبارك اليوبي=
محسوب من جملة الاصحاب = شـــرواك يـــا صـــاح مـــا كــبــه
الـلـي عـلـى الـطـيـب لايـرتــاب = تـنـحــل فــــي دربــــه الـصـعـبـه
أبن وازن =
جهزت لك بالحروف اركاب = لجل المعاني سبب غلبه
نجمه على المنظر الخلاب = في رسمنا عاشه الغربه
أبـــــومـــــبــــــارك الـــــيــــــوبــــــي =
الـلــي عـلــى ركـابـكـم مـاهــاب = يـطـفــي لــكـــم نـــــار مـشـتـبــه
الــبــدر فــــي لـيـلـكـم مــاغـــاب = غـطــى عـلــى نـجــوم مقـتـربـه
أبن وازن =
غير مسار المعاني خاب = بي وجيهنا يرفع الحربه
اللى غرف باليدين تراب = ياكيف لو طول العربه
أبومبارك اليوبي=
الحر ينقض بالمخلاب=على الهدف يحكم القضبه
بعض المعاني لها انياب=تعريك من غزرها حبه

البحار=
ويش حيلة العاشق المغرم=اللي رماه الهوى فبحـور
ياهل ترى يصبر ويغنـم=ولا عليه الرياح اتجـور
ابن وازن=
مال الهـوى حاكـم ونعلـم=وخارج عن القن والدستـور
مغرم بـدون الصبـر يعـدم=يشرب هواء ومايشوف النور
البحار=
انـا معنـى انـا مرغـم=ماشي على النهج بالمنظور
كيف اتجنب عنـه واسلـم=وابعد عن الشك والمحضور
ابن وازن=
الظـن وادي تـرى مظـلـم=فيه الحقيقـه وهـم وتبـور
ومن يسكنـه تتبعـه تاثـم=ومايضيع راعي العقل والشور
البحار=
شربت كاسه صبر علقـم=غصباً عليا وانا مجبـور
حاكم على الروح ما يرحم=عنيد قاسي وفيه غـرور
ابن وازن=
عن بعده قربه لكم أعظم=كذاب يحلف بشهده زور
لو تهجره فالامر تحسم=العند ساس الكفر مذكور

القدوه =
ســــلام واقــــول مــــن يــقــدم = من هو معي فالمثل حاضر
والـحـرف لــن كــان مايـخـدم = المـنـتـدى فـيــه مـــا نــاضــر
أبن وازن =
ترحيب من حرف مايعدم = حاضر مع حرفك العاطر
دامـي معـك بالمـثـل قــدم = فالمنتـدى نطـرب الناظـر
القدوه=
ماحسبك في رتبة مقدم=في رسم الامثال يالشاعر
والان بسألك ليّه دم=هل هو فشرع الهوى هادر
أبن وازن =
منهو يجاريك ما يندم = يالشاعر الظاهر النادر
افيدنا ياشبيه اليم = وانهدي الجرح والخاطر
القدوه =
كانت دروب المحبه سلم= وصرح الهوى بيننا عامر
وفجأءه طعن خافقي بالظلم=حتى نزف جرحه الغاير
أبن وازن =
قالوا العتب بالقلوب يلم = ويشفي جروح الهوى قادر
عن السبب أسأله فالعلم = فشرع الهوى واجب أتبادر
القدوه =
جيته ولكن اصم ابكم=عن وضعه اللي مضى مغاير
ماهزه الواقع المؤلم=للي على راحته ساهر
أبن وازن =
أبشر ياقدوه لك أندسم = شاربك في علمك الظاهر
كان البنا منك هو يهدم = وماقدر الود له ناكر
اما صبر بالأمل والحلم = ويعود عن ظلمه الساير
والا هجر والنهايه أتم = فالود ومسلسله العاكر

أبن وازن =
بـأســمــي عــبـــود حـــمـــودي = ومدري الدلع هو عليه يليق
أواصـلــه وتـفـشـل أجـهــودي = عـزيــز غـالــي بـعــد ورفـيــق
عبود =
يقبل اذاقلت عبودي = لجله يناسق مع التدقيق
وهذامرادي ومقصودي = ياعزوتي فالرخاء والضيق
أبن وازن =
وايش رايك ان قلت مجودي = أســم الـدلـع يقـبـل التلـفـيـق
والقصـه عـدو بهـا شـرودي = وطـيــار مايـحـمـل التحـلـيـق
عبود =
اكيد بـــيـــكـــون مـــحـــســـودي = ومـن القهـر يكثرالتعليـق
حلقبها في سما حدودي = طيـارهـا حـقـه التصفـيـق
أبن وازن =
سبحان من جمل البودي = والواجه سلعت التسويق
تلخبطوا البيض والسودي = واللى فرك يحضر التحقيق
عبود =
فأ يامنا فانت القودي = راح الدخن مع فكوك الريق
ولتكون ناقد ومنقودي = جبنه وزيتون با لتنسيق

أبن وازن =
ياصرح منك المعاني ذوق = فيك الادب ورث رباني
سلام يرقى به المنطوق = لايق على عالي الشاني
ابو سالم الرحال =
ما يلحق امثالكم ملحوق=وافى ومنك الوفى جانى
ترحيب واجب لكم وحقوق=ينصاك يارمز خلانى
أبن وازن =
تبقى وسيع الصدر ورفوق = وتسلم على مر الازماني
طاح الورق والثمر فالسوق = وتمايلت ليه الاغصاني
ابو سالم الرحال =
وسام المعانى عليك يلوق=ومايملكه غيركم ثانى
من لافسوقه يلاقى وفوق=المايله مالها اوزانى
أبن وازن =
هب الهوى لاح لي ببروق = وما كان يطري فحسباني
ولما ارتوت للغصون عروق = قلبي بها مال واشقاني
ابو سالم الرحال =
لاسابـق انـتـه ولا مسـبـوق = كـثـيـر مـــن مـثـلــك يـعـانــى
هذ الهوى كم خذل مخلوق = مـــن جـــوره يـنــام نـدمـانـى
أبن وازن =
فظل الجفا مع لهب الشوق = أسبابها منه تخفاني
ان كان عيا الغرام يروق = في مسرح الود يعصاني
ابو سالم الرحال =
خذ علم عن تجربه موثوق = لـتـسـلــم الـقــلــب لـلـجــانــى
مادام عنك السبب مـدروق = بيـع العنـا برخـص الأثمـان