بخيتان البشري=
سلام فـي خاطـري فتـره = له ينتظـر شوفـة قدومـك
ثوبه وفـا وطيبـه الغتـره = وحرفه لفى ياخذ علومك
حمد عتيق اليوبي=
ترحـيـب ياطـيـب الـعـشـره = ياحر شعشوع من يومك
في لينه الوقت أو عُسره = نـفـرح بملـفـاك وسلـومـك
بخيتان البشري=
عسـى البقـا لـك والسـتـره = طيب الكرم ساس لقرومك
دربـي بـهـم ضيـقـو مـتـره =يامن على العِرف مفهومك
حمد عتيق اليوبي=
مـاظـن تعـجـز عــن الـدبــره = انـكـان مــن قــرب ولـزومـك
بابديـلـك الــرأي مــن خـبــره = في صبرك الناس ماتلومك
بخيتان البشري=
عزمـي بهـم صابـتـه فـتـره = ورأيك جبل جاء فمرسومك
سـاق الوصـل قـررو بـتـره = و(لاقالـوا) تقـول ونعـومـك
حمدعتيق اليوبي=
دام الخصـم زاد فـي كبـره = بالحق لا ترحم خصومك
لو تشـرب المُـر والصبـره = مايجيك ياغير مقسومك

مدري بقى فالسطور حروف = ولا بقى فالوعد ميعاد
البث عبر الفضا معروف = (لايف) ولمشاهديه يعاد
نشرة بها كاسب المعروف = طالب في كلية الارصاد
خلا النظر وقتها مصروف = عن طقس جو المداين ساد

انا معك بالجسد والروح = ما اشقى السهر لجلك اعياني
معي الجسد لا بغيت اروح = وروحي بقربك و وجداني

تدري متى يالغياب المُر = تصبح مُؤثر في بُعد اثنين
لاصار بهم الشهور تمُر = والعين تشتاق شوف العين

فرقى وفرقى آساها حي = للامس بي جرحها مازال
واليوم فرقا غياب الحي = زالت بعد ماغيابه زال

غالي رحل عن جموع الحي = وتبدّل اليوم دار بدار
ويبقى فراقه بحضن الحي = يسقيه كل مابكى الامرار

كل ما سكن هم فالخافق = صبري والاعوام تجتّثه
ويفارق شهور ويرافق = كني على الرجعه احثه

ابو فرح =
انصى هل المعرفه وانشد = غير الصبر وش يفيد علاج
مُكره أتـى للعـواتي ضد = في بحر متلاطم الأمواج
بخيتان البشري=
الناشد لكرب بعد اشتد = غير الصبر يطلب الفراج
دامه على امواجها منحد = يصمد لها لو تجيه افواج

خالد عبيد الاحمدي=
سـلام للملعبـه مبـدا=قال التحاور بفن وذوق
وكان اتفقنا قبل نبـدا=مافيه طالب ولا محقوق
بخيتان البشري=
ترحيب وإقدى على ما اقـدا=وانهج معي منهج المنطوق
نـبـدا مـعــك عـنــدك الـعــدا=ومطـرود ميدانهـا ملـحـوق
خالد بن عبيد الاحمدي=
تبقا ومعدنّك مايصدا=لنّه ذهب والذّهب مرموق
عيّا معي موجها يهدا=اهمومي اللي بسبّة شوق
بخيتان البشري=
مثلك وفي دوم مايردا = من ساسك الطيب يامخلوق
حتى معك ناصل الحدا = هات الذي فالصدر مدروق
خالد بن عبيد الاحمدي=
لـلــي لـهــم بالنّـفـيـس افـــدى = واطعمهـم الشهـد والمـرقـوق
صاروا مـع الوقـت لـي اعـدا = بعد انقضوا عهـدي الموثـوق
بخيتان البشري=
مهما قساهم بك اشتدا = واروت بخيرك ضماها عروق
لابد عقب الجزر مدا = وتعوضه عهدك المسبوق

من الماضي =
سـلام فـي أول المـنـوال = بمـعـطـر الـــورد وافـيـبــه
ثم استمـع ساقتـه مـوال = من داخل القلب شاكيبه
بخيتان البشري =
ترحيب فيه الوفا شلال = به ينتعش ورد لافيبه
اوصف لنا حالكم فالحال = عذب المثل منك محريبه
من الماضي =
واقلبي اللي غدى في حـال = مــن جـــور الأيـــام تعـذيـبـه
جسمي نحل والحمول ثقال = هـمــي مـعــي دوم مـاشـيـبـه
بخيتان البشري =
الكل من جورها يكتال = ومخطاه ماكان ليصيبه
قلبي عليه الهموم جبال = وبالصبر تدري وانا ادريبه
ذاك العنا كم صال وجال = وبصدرونا كم عوى ذيبه
الحل ماهو صعيب محال = نبغى نطور فساليبه
من الماضي =
لـيـت الصبـرفـالأمـر يـنـسـال = لاقـــال قــــد ايــــش لاهـيـبــه
بـس الــذي ماخـطـر فالـبـال = جــدد عـلــى الـقـلـب تأنـيـبـه
شد الظعـن والمسيـر أميـال = وأقـفـى مــع الـبـيـد منحـيـبـه
والـمـعـتـنــي بـــالأمــــر لازال = لـلـبــيــد مـــاصـــف تـرتــيــبــه
بخيتان البشري =
ماتلتقي ليت به لاقال = وفي حزة الضيق بيثيبه
مهما طرأ وانشغاله طال = لازم على بر يرسيبه
يتبع آثر وجهة الترحال = يقدى وعقله يقديبه
والمعتني كان عِدلِه مال = مايودي العلم ويجيبه
من الماضي =
لاتحملون الجريح أحمـال = قــد ايــش والـهـم ساريـبـه
عاقـد عليـه السعـي آمــال = مـن بـادي الـوقـت ناويـبـه
الـخــوف ترتـيـبـنـا يـنـحــال = يـنـحــي والأيـــــام تـغـديـبــه
واليوم أنا والطريق أهوال = مشـلـول الأقـــدام شاقـيـبـه
بخيتان البشري =
حنا معه للحمول أجمال = لابد تصفي مشاريبه
دام العزم معتريه ينال = بطش الزمن لايهذريبه
ماودنا دمعها همال = عين الذي وقت لاويبه
ما انته في درب المخاطر ذال = عاجز بغى درب يعطيبه