بجرحك وارجعلك اداويك = من غير ماتقول محتاجك
زي ماتسوي بسوي فيك = وامدها فترة علاجك

عجزت لا انسى الذي رافقت = على الوفا 0 بعد فارقني
ابكي فراقه بعد فارقت = زوله 0 وفرقاه رافقني

لاتشغل البال بالتفكير = عن غيب الايام مانعلم
ماراد رب العباد يصير = شي انكتب منه مانسلم

ابوعوض =
سلمت يااخوي يابخيتان = شرفـتـنـي دوم بـحـظــورك
مثل القمر فالسما لابـان = كـامــل وكـمـلـت بـمــرورك
بخيتان البشري =
تسلم ويبقى مابين اخوان = درب الوفا الكل منظوره
والطيب يابو عوض عنوان = مساكنك فيه معموره
ابو عوض =
هـاك استلـم رد يافنـان = بــــــــردود بـالـود مــغــمــوره
يـازارع الـفـل والريـحـان = فديار بالخير مشهوره
بخيتان البشري =
أزرع ورود الوفا بستان = بالود فديار مخبوره
منا لكم صادره باقنان = وارد مساعيك مشكوره
ابو عوض =
ياسعد عيني على اللي صان = وارســــــــل لــــنــــا فـــــــــن بـــالـــصـــوره
كـتـبــت لــــك فـالـجـريــده اعـــــلان = عـــنـــوانـــهـــا الــــــــــــروح مــــــســــــروره
بخيتان البشري =
ياراسم الحرف بالإتقان =الطيب ماينتهي دوره
أبشكرك يارفيع الشان = ياموفي القيل فسطوره

وليف الشوق =
سلام مني بطيب الفال = ياللي لكم فالمثل خبره
افيدني ياعريب الخال = الأمر يزداد عن صبره
تغيرت فالبشر احوال = حتى بنا هلت العبره
الصدر ضايق وضاق البال = كيف العمل فيه والدبره
بخيتان البشري =
ترحيب ياطيب الاقوال = لك القلم سطره حبره
صاحب ولك عالي المنزال = وانته على مثل ماخبره
هذا الزمن كلبوه اهوال = وكم كسر مافاد به جبره
بالصبر ماضاق بك 0ماطال = والمُر مايدوم لو صِبره

بخيتان =
سلام ساس البناء ثابي = على الوفا دربه المعروف
مابيننا. واسمع خطابي = فاللي تجاوز بي المالوف
احيان تصوير من مابي = واحيان مما ارى واشوف
في حسبتي صف 0 وحسابي = ما شفت ماوافق المصفوف
علي عيد =
ترحيب والطيب ماغابي = يبقى على النايفه مكشوف
نسعد معه حرف الاصحابي = اللي بما الذهب موصوف
مايقبل الزيف مايحابي = معناه. ويمجده بحروف
واللي قياسك بهم خابي = ماظن0 فيهم تعب مخلوف

علي عيد =
يامن على العرف ساس بناك = فـشــرواك مـــا تـخـيــب نـظـرتـنـا
انــــــــــــا وقــــلــــبــــي تــــــواردنــــــاك = نـبـغـاك تـنـظــر فــــي خصـمـتـنـا
بخيتان =
مثلي 0بعرفك ثبى مبناك = دايم تجي قيس هقوتنا
فيها يابو عيد قدمناك = وبحضوره العدل خُصتنا
علي عيد =
فالمحكمه اليوم عيناك = بالعدل تنظر قضيتنا
سنين ليه معه فاعراك = مايوم معه شفت راحتنا
بخيتان =
بعد اطلعنا على دعواك =للخصم تشرع وكالتنا
يرضخ لك القلب ماينهاك = ولك حكم صادر في جلستنا
لو ما اهتنا القلب ماهناك = فيما تنصه شريعتنا
ولك عقل فالصايبة قداك = وختامها لك تحيتنا

بخيتان =
ترحيب يامشرفين الدار = تركي وخاله علي وسرور
ياللي لكم عندنا مقدار = وبشوفكم خاطري مسرور
عيد وسرور وتركي =
عسى البقا يانسل احرار = يامن على الطيبة مذكور
ماعندنا شك يامغوار = دايم وفاكم لنا مخبور
بخيتان =
القيل مابيننا لا دار = تثمر حروفه عبير ازهور
بين العرب قلت الاخبار = الخاليه من كلام الزور
عيد وسرور وتركي =
رسم المثل ماعليه خيار = مثمر وساس البناء محكور
من يملك العقل له منظار = يقرأ الحقيقة مابين سطور

بخيتان البشري=
ايام سته بقت تحديد = للعيد ماللفرح ظاهر
استكثروا ياعلي بن عيد = كلمه لنا تشرح الخاطر
ابوعيد=
الباقيه جعلها ماتزيد = تكدير خاطرك فالصادر
وتلقاه وارد نهار العيد = فيه الفرح عكس ماغادر

علي عيد =
اقبل عليه الآسى والهم = وتيار الاحداث متسارع
طش الشقي في بحر اظلم = موجه طما واغرق البارع
بخيتان =
اسلك طريق الصبر اسلم = ما للمقادير من فارع
عن غيب الايام لو يعلم = ماضاع محصوله الزارع