|
ياصاحبي طفنا طواف الافاضه
مشغول ماني كل الايام فاضي وانت اجودي دايم على حد راضه اهم شي المزوده والمقاضي ماغير من تمر النخل والخواضه تاكل لاما الزايد مع الخشم غاضي ثقيل دم وماب هرجك رفاضه وتبغى تسوي بالسوالف رياضي مثلك سعيد بغيبته ونقراضه لو الخبول تقاوم الانقراضي |
من شانها فقدت واجد من الناس
وضربت فيها ليل موحش ظلامه ساريه لو راس العرب مايجي راس مطيته من راس جرف بعدامه يانور لو انك على راس نبراس تشاف يوم ويوم دونك عسامه قطعت بك يامحزمي ذيك الارماس معي القليل وماعليه ملامه ارقب بك القمه والارياق يباس وكارهك مازامي موافق لزامه |
مجلسك ياحافظ مليس ومدهون
من النظافه راح نمله عيافي مصممه كنه من اتباع فرعون على كلام الناس مجلس خرافي بابه وسيع وفيه ضبه وكيلون حوله مقابيل الرجال ومقافي سقفه ثرياته تقل حشو بصحون يشيلن الحاشي ودايم نظافي وحول الوجار اللي مغسل بصابون بيض الدلال الغاليه والخفافي ونجرٍ يشيل من اشقر البن كرتون لو دن بالضرمان يسرف اسرافي ومداخله فيها زخارف ومعجون ولنباتها تقل سفاتي مطافي تمت وامانه ياوكالة يقولون كافي كلام ٍ يدبل الكبد كافي المدح ياتوحون مادري ماتوحون يليق بالقرم الكريم السنافي امدح الردي هواش ياللي تغنون على كلامه لاكلام ٍ يضافي |
عن زحمة الجمهور بقصور الافراح
وهذا تجاهلني وهذا نساني وانا تقل نار ٍعلى راس لولاح ماني خفي وحصاني مربط حصاني ابوي ابن دومان كساب الامداح مفراص ماص وريف جار وعواني لاراحو الشجعان من ضمن الاشباح وصل غريق اليم بر الاماني مشاركه تقطع على كل نباح طريقه اللي من هوان ابهواني عمقي بحر ماهو ثميله وضحضاح لسفن فيه بكل دوله مواني خارج محيط الدايره والتبجاح جاتك من الصادق صدوق الساني مبروك ماحن الرعد والمطر طاح على بطون الاوديه والمحاني الشيخه اللي كنها نور مصباح من جدك السابع عريب المجاني متسلسله ماودها شرح وايضاح ماضي وحاضر مابها قول ثاني على السواعد مرويه علط الارماح اهل الدلال الوالمه والصياني يامفلح الدنيا توافيق وكفاح تقفي وتقبل ماعليها ضماني قود المسيره والتواضع والاصلاح ميزه ببو فيصل وسيع البطاني |
بضيوف ابو فيصل وريث المجاويخ
مقبل هديب الشام ريف الجماعه من الدهيم اهل الرمك والمناويخ قدام نجم سهيل يطلع شعاعه ومن قبل تحريف القصص والتواريخ يوم ان كلن نجدته من ذراعه يامرحبا عد البلح بالشماريخ وماوقع العصفور بعد ارتفاعه عند الكريم منوخ الحشو تنويخ كرامهٍ لضيف طبع وقناعه الطيب ماهو لازم انك ولد شيخ وماقيل يوجد بالمتاجر بضاعه يوجد بروس الطيبين المطانيخ فهود ساس فهود ماهو اتباعه |
هنيت من قلبه من الضبط لضبط
كبير تلقى فيه حتى القراطيس والدم بالكنه تقل بأول الشبط عايش حياته ماتحسه حواسيس وانا لو انك تربطه بالقفص ربط حلق سما بين الحرار القرانيس |
ملاح براق المخايل شامي
وقرم ٍ ترفع عن هزيل وشامي باسمك ياعبدالله وبسم اخوانك يابن الشيوخ اهل المقام السامي من بيت شيخه من زمن ممتده شيخه تورد للعدود الضامي شيوخ ساس شيوخ كلن يدري واللي مايدري عي مايلامي وباسم السواعد كل واحد باسمه اهل الشجاعه عزوتي وحزامي مبروك ياشيخ القبيله مفلح ماطار طير وفي سمانا حامي شيخه ورثها كابرٍ عن كابر ماهي نبيته من شهر لاعامي ترا المناسب في مكان مناسب مثلك يابو فيصل كفو وعصامي ان قال كلمه عزوته تسمعها ماتحطها بالحاويه ودرامي الصف واحد والتلاحم غايه وضد انقسام الصف والاقسامي اهدافنا وحده ورايٍ واحد الصف واحد والنظر قدامي قبل الختام اللي مايسمع يسمع كلمه هدفها شامل ومترامي ياعيال ساعد ياذرى زابنهم لاحطو الرامي بجنب الرامي ترا ختلاف الراي ماهو طيب لاحل مابين العرب هدامي من لازرعها ورد مايحصدها كلام من بعدي ومن قدامي |
كلمتك ياحي ٍ علي تنادي
اوحيتها لاتقول مايوحيها وقفيت عنها لو شرار زنادي يحرق يبوت الذل واللي قيها من طيب لاخايف والا متحادي رجال اخذها وافيه وعطيها ولحقتني بسلاح غيرك عادي على مرا مجنوها صاحيها مافادة الرفقه وملح وزادي لك سولت بالشر ياموطيها واليوم لازاد الحطب سرمادي القوس شرهتها على باريها ابا اعتزي وقطع عليك الوادي ودفن لك الركبه وانا راعيها السرج سرجي والشداد شدادي في حاضر الدنيا وفي ماضيها خذها مدام الصمت عم وسادي مسنده ومحدره واديها ماعنك في يوم الخطر نشادي ان ردو اولها على تاليها مع الاحاطه بالمحيط الهادي كلمه يعرف ابعادها قاريها ان جاك فاسق في خبر وربادي اذنك سلمت ودمت لاترخيها عشرين سطحه مع كذا كدادي تجيبها بالليل وتوديها ابغاك لاجاتك لها رعادي تصير يافز الوغى قاضيها |
خلت الخيال اللي نشا من مناشيه
على جنوب الدار ووجه شمالي عسى اوله بالليل يرجع لتاليه والشمس تطلع ماحجبها خيالي ماهو بمنوة حي عينه تراعيه على بطون الاوديه والمفالي منقول سيله ونحرف عن مجاريه كبير لكن دون طيبه جبالي اليا صتدم فيها ترده لواديه ماترجع الاوتاد جرفٍ هيالي العقل ياحيه وياحيه طاريه وسد المثالم والطريق العدالي الشخصنه مابين مشني وشانيه تعميمها عند العوارف خمالي اليا بغى الرجال خصمه يناديه باسمه لايصفق بالدلو كل جالي حرب النيابه خلف ساتر وتمويه وهذا بدل هذا وهذا بدالي الحر لو يعطا بها مال يغنيه ماله ومال قصارها والطوالي حميةٍ فيها مقاصد وتشويه لابد ماعنها يميل الضلالي نبش القبور الباليه مالكم فيه ونتم رجال ومن سلالة رجالي ادعو لهم علام جهره وخافيه اخير وبرك من كثير الجدالي بدال هذا فيه هذا مايخطيه بعض الكلام بحقهم مايقالي العلم يبغاله رجاجيل تنهيه مافيه لامكسب والا راس مالي اقصد جميع مشورب ٍ الامر يعنه حطو بها قدام تسري عقالي لنا مشريه وعلينا مشاريه وتبادلين الطيب ماضي وتالي وانساب يفخر بالناخي بناخيه وجيره وخوه من قديم اليالي الصف واحد والتلاحم نحييه والعقل راس المعرفه والكمالي اللي يخصه ماذكرته ويعنيه عليه حل المشكله والشكالي لايعطي الموضوع مقرن علابيه ويصل المرض كبد الجمل والطحالي من تاه يلقاله عوارف تقديه والخير بالامه ليوم السوالي الطيب باهل الطيب تضهر مواريه مع نايد العربان والا موالي ماهو بحصريٍ على حيه تغليه عدٍ مشرع لنشاما زلالي به من شرب من جم نبعه وصافيه وبه من عنه رده قصير الحبالي لبيه ياصوت العقل ثم لبيه ياحي فاله ثم ياحي فالي فيه الحكيم الذرب يوصي ذراريه ويخطيه بالصعبه سريع انفعالي الذيب يعرف وين وجهة مساريه ويعرف متى يرقب على راس عالي بين السباع السبع تعرف مواطيه الغيرها من شافها ماتحالي هذا الصحيح اللي سلم فكر راعيه شاعر وجاله بالمعاني مجالي |
راعي ذهب سوق الحطب لاتمره
ماحد يقول بكم ينازل السوق عكس المثل لو جاك حذف ومضره عطه قفى خل الهدف والنظر فوق عقلك مسافيه البشر لاتفره لاتصير لرديان وشباهها بوق اليوم من كافاك خيره وشره عده جميل وجازه الطاق مطبوق دربك قفر مانته على راس جره اخير من قولت على الدرب مسبوق وان بان لك حتى من الخصم غره خلك على مابان ضبه وصندوق يجيك من جمر المشاكل يكره ويجيك في ثوب الشرف راعي البوق لاشفت ثوبه بالمجالس يجره لقه خلا ورقب على راس شاهوق |
قي حفل ابو مهدي عسى الله يديمه
الشايب اللي له مكانه وتقدير شيخ وكريم وفيه طيب وعزيمه كريم سبلا مايهاب المخاسير سلام ماهلت على القاع غيمه وماغردة فوق الغصون العصافير بكل الحضور من الرجال الحشيمه يعم ضيفانه وكل المسايير بعد السلام لمدح الابطال قيمه والله لاصخر عاصي القاف تصخير وحط لي بين الوسايم وسيمه شاعر وعرف الوارده والمصاير يومين لندر هجوسي محيمه عشان اجيب مطابقه للمعايير عصما لها في مدح الابطال قيمه بني عطيه ريف جار وخطاطير اهل سخى واهل عقيده سليمه يابعدهم عن كل هفوه وتقصير رجال منهم ماتجيك الثليمه واهل كرم يوم اليالي معاسير وهيهات لابان الغريم لغريمه وصاح الصياح وطار ستر الغنادير يفضلون الموت قبل الهزيمه دون الديار ودون برص المواخير قبيلة ٍ بين القبايل عظيمه لها شمال الدار هيبه وتاثير |
سعود ابن جازي دعاني وجيته
لو مالضروف مواتيه له تواتي بعد الديار ودرب مضلم مشيته ومابيني وبينه من الشامخاتي ماتردني عن طيب ٍ شاع صيته باذن الكريم وعالم الخافياتي شيخ وشجيع وراس ماهو نبيته للكايده مفتاح والمقفلاتي من دون قوقل ماب تاصل لبيته واضح ومايحسب من الايذاتي الباب فاتح ماطفى يوم ليته اقلط وتلقى لسوالف هواتي وحلو النبا مع دلة ٍ مقتفيته من ضمن عشره صنفها والماتي منوة معومس ماهتنا في مبيته حداه ضرف وسامر السارياتي من بعد ماراحة بوجهه عميته فرجت وجمع مابقاء من شتاتي وصينيه ٍ جيعان يومه تقيته هتاش ليل وماحصل له مباتي وابوه لاكبرت عليك ونصيته بلسم جروحٍ بالحشا غايراتي عساه يبطي محزمي مابكيته شاعر لشعره بالمجالس طراتي لو امدحه بمعلقه ماحتويته يفوق مدحه هرج ومولفاتي وربعه حدود ديارها محتميته بالسيف فوق الجيش والمسرجاتي سلايمه لاغطرفت مستميته على الجمل مع روجه الرايجاتي عن والدي عنهم كلامه رويته تدفن ركبها دونها لثباتي تاريخهم درسة فيه وقريته وسجلت روس اقلام بمذكراتي شاعر ليا قلت الكلام احتميته ماخطي وماحب الخطا والشماتي وان قمت عن طيب بلازم كفيته لي وعليه للكفو واجباتي |
البارحه جاني مقدر ومحشوم
صديق صادقته محبه ونوماس ليه معه رفقه وانا اطيح واقوم يجري مجاري دم قلبي والانفاس يقول من شاني شريحه من القوم عادوك مايبغون ذكرك مع الناس وصبحت مابين الفريقين متهوم انا السبب وانته حياوي وحساس قلت انت منجا لاهبا كل مذموم يزعل حضورك بالزمن كل هلاس اقلط على حلو النبا وكسر الحوم خذ بالفضا ياطيب الفال مرواس دايم على من ينكرك تقل جاثوم يكره حضورك يوم الارياق يباس |
الصحف طويت والقلم جف حبره
والدين مايمديك تقضي سداده مافات ماعندك به اليوم دبره ياكود عض اصبحك عجز وبلاده ماخذت من غيرك والاحداث عبره وراع الشداد اللي نشب في شداده اسمع كلام اللي بعد باح صبره كلام شاعر فيه عرف وركاده ماحد سمع فيها قبل حفر قبره وانته تبيها بعد موته قلاده مرحوم يفارق بعرفه وشبره عن الوجيه اللي عليها رماده مابيني وبينه حشا سلك ببره علي لاتسرج لعانه جواده ان كان ماعندك ذهانه وخبره تعال واوريك خصمك وناده صوتك نشاز وفيه للخبث نبره صايبك تال الوقت طيش وقراده معي ماينفع طيش طايش وكبره معي على وطي الصوابر شهاده |
اقلط على كيس الكريم وتعشا
وخل الامور الكايده لبن دومان ومن الغرابه للمصيقر تمشا وخذ الحذر حولك قنب ذيب شوفان تراك شاويٍ قريب المشا شايب طويل السان وقليل احسان الحسد في قلب الردي لاتفشا ماله علاج الا قطيعه وحقران علي لامنه من الجحر وشا ودبت فيه من القريبين عدوان ياليت عن بعض السوالف تغشا وماجتني علومه مراديف ولوان والا مع اللي خشو العام خشا ماحط نفسه لشواخيف نيشان |
ليل الدجا غيبت كل انجومه
كني مكلف في حساب نجومه ماغمضة عيني وفكره صاحي من ضيقةٍ بقصى الحشا مكتومه ماهو هوا غيدا تهيم العاشق تقول تحت عيونها تنعومه مافي تشخيصه وصرف علاجه يحتار فيه الطب للمعلومه ماني مشرع باب ماهو بابي من يوم عني صك باب الكومه وعن الذلول اللي دبرها واضح مثل اشقرٍ بالجو يبعد حومه مدام ماهي عند ولد محمد بمراح غير امراحنا ماسومه رجال عارف ماعلي وليه وعن يوم مافطر فيه كيف اصومه الله يعز الدار واللي فيها لو الشوارع كلها ملغومه اخر زمن حتى الصديق الصادق يمكن يجي بهدوم غير هدومه انا صديقي محزمي وسلاحي سلاح ردع وخنجرٍ مسمومه وغيره قليل بمهنتي صدقاني من ساحل تهامه ليا القيصومه |
الشاعر سليم سعود الجابري
تغير سعد دومان مدري وش اللي صار عسى الامر خير وجعلها ايامنا خيره اعرفه عن علوم الردى مبعد المشوار ولايقربه عرق الردى مبعد الديرة لكن الغياب يخلي اهل الوفاء تحتار ليا طالت المده تصيب البشر طيره وانا والله اني من غلاته وهو خيار ليا طول الغيابات قلبي كما النيرة """""""""""""""""""""" رد الشاعر سعد المحمدي انا جعل شايب خلفك ماتمسه نار نصيح الفؤاد وطيب الخلق والسيره عن الحيره اللي فيك موجز من الاخبار يكفيك مايحتاج شرحه وتفسيره اذا مابها يالجابري لرجال ابهار ترى ماني اللي يخلط المر بالشيره غيابي بيوم ٍفيه عجه وهرج صغار تجيني قبل ماتغيب شمسه تباشيره وحضوري بيوم ٍ فيه للمسرجه مضمار يبين على وجيه المباغيض تأثيره |
*هاجد ولد نايف دعاني محبه*
*وجيته غلا من طيب راسه ومجناه* *والله لو دونه من اليم غبه* *او حال من دونه صحاري ومضماه* *مع كنة الجوزا وحامي مهبه* *لاجيه دام سبوت رجلي معافاه* *سلام يابلسم جراحي وطبه* *مالاح براق الحيا ونتثر ماه* *اخترت لك من صادق الهرج لبه* *بجزل البيوت الهادفه والمقفاه* *يامحزمي بيامي المشلهبه* *الياعطاني وقت الاهوال علباه* *والزيت جا يامسندي من يصبه* *من فوق نار ٍ تاكل العود والحاه* *وبان الصديق وبان راع المسبه* *طاح القناع وبان وجهه وشفناه* *يسامعين القول دق المنبه* *في مدح من مدح الرجاجيل يزهاه* *اجيب نبذه صادقه مستحبه* *الصدق دايم للرجاجيل منجاه* *راعي كرم للضيف فاتح مشبه* *لامره الطرقي قلط ماتعداه*، *وعن واجبه ريع الخلا مايذبه* *للكايده كلن بجنبه تمناه* *رجال في غيره حشا مايشبه* *لين جناب وتفعل الطيب يمناه* *ماخالف سلومه والا دين ربه* *نهجه سليم الله يعزه وياقاه* *من عزوة ٍ كم راس تطحن لحبه* *يوم الاصايل للمعارك محذاه* *اهل المليحا من قرينه لعبه* *تدفن له الركبه نهار المثاره* *يقبل من الفسقه هديره يقبه* *ويرجع يلج ارغاه وادي تمثناه* *واليوم كل اوضاعنا مستتبه* *الامن سايد والرخا والمساواه* |
فنجال مع حلو النباء والرحابه
عندك يابو فيحان يسوى ذبيحه حنا سلمت ودمت ربع وقرابه من غرب طيبه لين نجد الفسيحه لو ماضروف تحتم الاستجابه مامل من شوف الوجيه الفليحه ان امهلت يامحزمي والعصابه جيتك وجيت من الرفاقه شريحه الوصل وصى فيه منزل كتابه وقطاعة الاقراب ذنب وفضيحه يابن ضويحي حن قوس الربابه شاعر وعندي بعد شوح وقريحه لشرواك يابن العم نقع السحابه وعلى كبير النفس شر وقديحه ان كان مالك عند خصمك مهابه يزعجك لو جنبت دربه نبيحه ياعل مايبكيك جالي عزابه مثلك عسى يفداه راعي شحيحه يالله بدعوة ساعة ٍ مستجابه عسى جميع ايام عمرك مريحه ماكل رجالٍ يعوض غيابه وماكل صدقان المجالس نصيحه |
الساعة الآن 10:12 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir