البارحه هاجوس قلبي لعبه = لعبة صغيرِ في جديد العابيب
بيضة عقيم والدينه تحبه = ابوه بشربه عقب بين الشيب
من عقب ميس من كلام الاطبه = ومات الامل حتى بطفل الانابيب
اليوم يلعب بين حجره وعبه = ومن كثر حبه ما يرده عن العيب
هاجوس تطق اعذوق غرسٍ منبه = طقة عصافير النخل للمذانيب
ماني بصاحي عقب ما قمة غبه = اشوف بعض الناس جني وانا ذيب

اصارع اهمومي يانداء بين شمس وضل=ونفس الشقا ماتقبل الحيف من مبطي
يصافح يميني كف عميا عساه يشل=جملنا الجميل اعيون راسه تلاقطبي

ياعيد كانك حريص وتعرف الخوه=احرص على خوة اللي خوته تشرى
لاتخاوي اللي ضعيف ولابه مروه=غشيم راي وعنيد ورفقته قشرى
ياعيد كم لي وانا اعلمك وانوه=ترى معرفه هل الطالات لك بشرى