الصراحه علت الناس الصريحه = يا بليت بناس ما تبي الصراحه
لو تقدمها على مبدا النصيحه = كنك الي يمهم شاهر سلاحه
والمجامل ما يجملك قبيحه = كان ما زود قباحتها قباحه
الرديه حكمها حكم النطيحه = لا تضحيلك ولا تمنح مناحه
مار تبي العلم سرك لا تبيحه = والتلافي والحياد من الرجاحه

ســلام مـنـي يـانـداء تـالـي الـيــل=في صفحة الغائب وشتى الرسايل
جيتك ودمعي فـوق خـدي هماليـ=وجوفـي تساعربـه لهيـبـا هـوايـل
يامرحبا يابن الرجال المشاكيل=اهل العلوم الطيبه والجمايل
خلاص لاتشري لدمعك مناديل=لكن عطني عن سببها دلايل

انا جمل ماكل حملٍ يهمه=انسف حمولي فوق الامتان واقوم
مير البلاء حب الولايف مطمه=يجلب على نفسي هواجيس وهموم
ماينفع الرجال خاله وعمه=لصار من حب المواليف مظلوم
وانا ابليت بحب بنتٍ مهمه=تحكم علي واقول محكوم محكوم