آسف اذا إنّي خطيت الدرب=كنت أحسب الدار معموره ولمّا زهمت أهلها عن قرب=جاوب صدى الصوت ... مهجوره !!! |
جينا .. بنسترجع .. الماضي=والقى عليّ الزمان ... سِوال هل أنت عن .. حاضري .. راضي؟؟=و هلت دموعي على الأطلال |
كلمتك ملكك واذا طلعت=من صدرك تصير ملك الناس فهمت ذلحين يا طلعت=وألا فصبخه يدق الفاس |
الحجيري= كلمتك ملكك واذا طلعت=من صدرك تصير ملك الناس فهمت ذلحين يا طلعت=وألا فصبخه يدق الفاس
البتار= [/quote]ليتك تعلم معه رفعت =ويفهم بأن الشعر مقياس الناس حسب الذي سمعت= تحكم على الوجد والافلاس
الحجيري= ياليتها فطلعته نفعت=اللي لرفعت و مثله ساس لكنّ راياتهم وقعت=في أول الماد يا قرناس الظاهر عقولهم نِقعت=في وحل أفقدهم الإحساس وأفكارهم بالجهل شبعت=والحبر فيهم عنا القرطاس |
الحجيري= كلمتك ملكك واذا طلعت=من صدرك تصير ملك الناس فهمت ذلحين يا طلعت=وألا فصبخه يدق الفاس
البتار= ليتك تعلم معه رفعت =ويفهم بأن الشعر مقياس الناس حسب الذي سمعت= تحكم على الوجد والافلاس
الحجيري= ياليتها فطلعته نفعت=اللي لرفعت و مثله ساس لكنّ راياتهم وقعت=في أول الماد يا قرناس الظاهر عقولهم نِقعت=في وحل أفقدهم الإحساس وأفكارهم بالجهل شبعت=والحبر فيهم عنا القرطاس |
القلب الابيض= سلام من بعد ماغبنا=عن منتدى حرب وعضاها دنيا تكدر مشاربنا=اتغرنا لو صفاماها
الحجيري= ترحيب بالضيف واجبنا=في حله تعزّ من جاها في بحر الايام قاربنا=في هادي أمواجه أعتاها |
ابو طلق= زل النظر خلف ذاك الباب=واللي حصل ماتمنيته عناني اللي بدون حجاب =آريته وليت ماريته الحجيري= قبل النظر زلت الألباب=وياليتك الطرف غضيته والغافل اللي ورى الابواب=شكلك نسيت إنّه فبيته ابو طلق= اللي تعنى عليه حساب=وانا النظر ما تعنيته صدفه نشا فالفواد اعجاب=كذا من الله حبيته الحجيري= فالشرع للطارقين آداب=وما اخبرك حده تعديته شف كيف زلتّ بك الأهداب=وشف كيف قلبك تبلويته ابو طلق= بيبانهم دونها اسباب = والدرب ياذيب دلّيته عمـّـا حصل . ماحصل مجناب = بانساه ولاّ تناسيته |
بأوصف بعَض ما أشعر بحرفي=واِنتَ عليك اِشعر الباقي بعدك ما زار الكرى طرفي=واستوطن الحزن فأعماقي |
ابو عيد= قال الزمن0 يقلب الحالي = ويبدل الشهد بالعلقم معقول ولا يتورالي = يامعاصرين الزمن 0 يظلم؟
الحجيري= ما فالزمن عيب يالغالي=العيب فأهله حسب ما أعلم وما يسببّ المر و الحالي=إلا هوى النفس . لو تعلم!! |
العنود= قلبي على الشوق متظلم=شاكي وأنا ماقدر افتي به يجوز له يمر مايسلم=وعيني بعينه تراعي به
الحجيري= الحكم يُستحسن تعلّم=شوقك بشوقك ويدريبه حتى اذا مرّ ما اتكلم=نقدر نقولكّ لا تشقيبه |
سكنتني .. روح داخل روح=واِتلايمت .. روحك و روحي اِن صنتها ما تقلّك .. روح=واِن خانتك قلّها .. روحي |
خسف زعيم المحليه=قبل القمر فالسما يخسف والمونديالي بثلاثيه=أجهرهم بنور ما يكسف |
كلمتك الاولى تعبر عنك=صدق الأحاسيس داخلها وكلمتك الاخرى ما طلعت منك=لكن لسانك تداولها |
البتار=
ســلام مـرسـل مــن الـبـتـار= شامـل علـى المنتـدى كلـه ماخص واحد من الشعار = الـــــلـــــي يــجــيـــنـــا نــقـــابـــلّـــه حفيدالحجيري= ترحيـب فــي حـلـة الأحــرار = مـثــل الـــدوا يــبــري الـعـلــه نايب عن الدار وأهل الدار = واللي فـي صـدرك لنـا هلّـه البتار= تـبــقــى ويـبــقــى وفـــــاك شــعـــار = مـــصـــيــــون مــاتــلــحــقــه زلـــــــــــه واللي في صـدري سـوال ودار = ان كنت شاعر ذكي 00حله حفيد الحجيري= عــلــيـــك مـــــــا زود يــالــهـــودار=والــــلــــي فــــصــــدرك لـمـحــتــلــه وان كنت يا شعيل ما تحتار=جـــوابــــنــــا جـــــــــــاك و تـــــدلــــــه البتار= ياستـاد رسـم الهـدف معـيـار=ومن يعـرف الـدرب ماضلـه ومن شت شتت به الافكار=عــــن خــطــه الــلــي يـوصـلــه حفيد الحجيري= يا بيه ما أخطت بك الأنظار=والـعـارفــه الــــدرب مــــا زلــــه والواثق اللي في خطـه سـار=فـالـعـلـم مـــــا تـلـحـقــه خــلـــه البتار= مادامت انك مصر اصرار=مخطـي و فكـرك يخيـل لــه وانت تأكـد مـن اللـي صـار=لاتـــتـــبـــع هــــرجـــــة الـــشـــلــــه حفيد الحجيري= نتبع هل الفكر يا مغوار=من كيفنا نرهي الدله وإن كان رميك ما صاب عيار=ارجع على السيف واِستله |
إن كان وإنّك تراني شرّ=فأبعد عن الشرْ وغنيّله السيل له درب منه يمرّ=والمعترض دربه يشيله اِختار يا حلو وألاّ مرّ=واللي تخيرّ ما ناويله كلامنا جاك واِنتَ حرّ=موجز لا تنبش تفاصيله |
كـلـمــا تـشــافــت جـروحــاتــي
كلما تشافت جروحاتي=وأملتّ في قادم الأيام تنزف جروحاً جديداتي=وتموت في مهدها الأحلام |
منصور البلوي
ماهر ابو خالد= لا تضرب الارض يامنصور = تاجر ومكسبك جمهورك وغيرك يدور الفلك مقهور = يطغى على حضوره حضورك
الحجيري= شكراً على اِطراءك المذكور=وتسلم على صادق شعورك ليه الزمن سيّدَ العصفور=على النمر ؟؟؟ فيدنا (ب) شورك !!!
أحد محبي أبو ثامر= طاعة ولي الامر دستور = يمشي على ساير أمورك حتى ولو كان فيها جور = طيعه كما قال دستورك
الحجيري= ما أخلفت شرع الله المعمور=لو أخلف القيل منظورك وماني بطاعة بَشر مأمور=كل العشم دوري و دورك |
ودي قــــــمـــــــر والـــبـــقــــيّــــه نـــــــجـــــــوم
ودي قمر والبقيّه نجوم=والفرق ما بينهم شاسع كالفرق بين الصقر .. و .. البوم=لو كلها طيور فالواقع |
سلام مثل الدوا للجرح
الحجيري= سلام مثل الدوا للجرح=اللي عجز فيه دكتوره يابو عمر دون جمع و طرح=مواري الرجل مشهوره حياك الله يابو علي
حرب= يامرحبا ياهلا في صرح=بوجودكم مكتمل نوره وعلمك مايبغى زيادة شرح=وانا الفضا ماجهل صقوره |
http://im4.gulfup.com/2011-06-16/1308185012741.gif
شكرا شكرا يا أميره على هذا الموضوع الراااااااااااااائع جدااااااااااااااا
يا ليت للطفل ذا قلبين=مثله مثل سائر أعضائه كي ينقسم بينهم قسمين=ما يعيش بيناتهم تائه |
بعض الرياجيل مثل السيف
الحجيري= بعض الرياجيل مثل السيف=لكن ؛؛؛ ما يخرج من نصابه أكبر فعوله .. لا جاك الضيف=في وسط مجلسك .. تزهابه
مرسى ينبع= والبعض تلقى علومه زيف=مايعرف الطيب واربابه ينعد كانه سحابة صيف=مثلى ومثلك ما يرضابه
الحجيري= والضبع له وصف ،، والعرّيف=تَعْرِفْه من كشرة أنيابه ما هو كما الذيب فالتوصيف=يا ذيب في ديرة ذيابه
مرسى ينبع= نوظف المفرده توظيف=ونعامل الكل بخطابه واحبابنا فالمدن والخيف=والطيب ما ينقفل بابه |
سلام باعداد جرحك لي
سلام باعداد جرحك لي=لو صعب تحصى جروحاتي قلبي توفى و جسمي حي=وانتَ سبب كل مأساتي |
سلام فالسلم كالنسمه
الحجيري= سلام فالسلم كالنسمه=وفالحرب كنّه صاروخ سكود فالقيل ما ينجهل رسمه=لأهل الكرم والوفا والجود
بيان الصمت= تعداد هل الحيا وسمه=ترحيب يجلا سواة النود لاهل الوفا يزرع البسمة=ولهل الخبايا كما البارود
الحجيري= الصاحب اللي شهير اسمه=وما أرضى على مثله المنقود غلاه ما يقبل القسمة=لكن على غيرنا محدود
بيان الصمت= النور ماهو كما العسمة=تذكار منَّك عساه يعود حتى الأمر ينجلي حسمه=وخلك على طيبك المعهود |
[/center][/size][/color]
ما كل سيفاً من نْصابه=وما كل خيّال سجّ الخيل كلاً على قدّه ثيابه=والدفّه ماهو كما التفصيل والحرف لأهله همَ أولابه=يا جاهل أهله قديماً ؛ قيل : القيل من يجهل أربابه=ما يُعتبر من رجال القيل |
حفيد الحجيري =
في خط ما فيه غير جيوب = عايـنـتـلـي فــيــه ماكـسـيـمـه عـلـى قـفـا قـزازهــا مـكـتـوب = ساهـر فـي درجـي تعاميمـه بخيتان البشري = ساهر في كل الخطوط يجوب = وحدد مراكز لتنظيمه ما شي في صدافها محجوب = ويمر من دون تغريمه حفيد الحجيري = كل المراكز ما فيها عيوب = كــل مـركـز نظـامـه يقـيـمـه المشكلـه لـوحـة المطـلـوب = فـحـروفـهـا فــيـــه تـعـتـيـمـه بخيتان البشري = كل شي في شاشته محسوب = ويتم رصده وتسليمه واللي حسب غلطته ملعوب = يلقى بالاثبات تقييمه حفيد الحجيري = ساهـر راداره كـمـا الحـاسـوب = مــا يـعـرف الـعـفـو والشـيـمـه ومع سرعة المكسيما مغلوب = يكـشـح ولا يـسـجـلّ اِقسـيـمـه بخيتان البشري = ياللي تغني على المسحوب = من قبل تُوزن تقاسيمه العزف لاصار لك مرغوب = لابد تتقن تصاميمه الحجيري= تايب عن العزف وانتَ توب=أيامكم ماهي مْديمه ما يِلْبَسَ البشت قبل الثوب=والوقت صكه وتعليمه |
الحجيري=
برق و سحابه و سيل و رعد=ونيران الأشواق مشتبّه منظر يجسدّ مآسِ البعد=يابو منى البعد وش طبّه؟؟؟ ابو منى= طرق ومهآبه وكيل ومد = تاتيك يابو علي صبه اللي يدور دروب السعد = مايجعل البعد يلعبه |
القرافي= تترك عيونه وجع بالقلب = كل يوم يزداد تأثيره لو آتعنى لشرق وغرب = مالي دوا لعلّتي غيره
الحجيري= دام الدوا لعلتك فالقرب=اشغل حياته وتفكيره حتى معك يستوي فالدرب=ومن علقمه تطعم الشيره |
بخيتان= ترحيب يابو علي واستّر = طرف الذي تفرِحه شوفتك عليك رب الملأ يستر = يحفظك حاضر وفي غيبتك
الحجيري= عدد جماهير مانشسترّ=تبقى على الطيبّه وقفتك ولو أجمع الحرف في دفترّ=تعجز حروفي،،ولا وفتك |
ابو فرح= وش للمعنّا علاج وطب = يرضيبها قلب متلهف لاسار عند الحبيب الحب = كذبه واحساس متخلف
الحجيري= ما قول مالك دوا يالقلب=لكن على حسب ؛ يتوقف زيده مشاعر و زيده قرب=يمكن على الحب ما أتولفّ |
الحجيري= إلا أبى أسألك يا تركي=بعد التحيّه وأخبارك برّاك وشبه على بركي=وبركي علامه على مبارك
الصامت= ترحيب جابه بلا شكي = حيث اني اجل مقدارك مالك بهم خلك متكي = من خوف تحسب من اوزارك |
الصامت= حنا ربينا على الأخلاق = ونعامل الناس بالحسنى تاريخنا كالعلم خفاق = على مبادىء تأسسنا
الحجيري= كأننا وحدنا فسباق=محْدْ يتجرأ ينافسنا كلما بلغ مجدنا آفاق=زاد التواضع بأنفسنا |
يا مبشرّ القلب بالمرجاع=ما ظنّ في رجعتك يفرح قلباً جبلته على الأوجاع=ما للفرح داخله مطرح |
حتى فدعاء القيام أذكرك= وأدعيلِك أكثر من الأقصى!!! يا مكه ؛ رب الملأ يعمرك=لك ود فالقلب ما يُحصى |
المثل= يامشخّص الجرح ومداويه=ياللي لكم فالوفاء خبره ليه احتفظ بالقلم راويه=يوم القلم انتهى حبره
الحجيري= يمكن وفاءً إلى ماضيه!!=ويمكن رِجا ميّت فقبره والعارفه مثلكم ما أفتيه=ياللي لكم قدر يا كُبره |
حفيد الحجيري= يالداهـيـه لــك ثقـافـة حــرف=تــنــبــئ بـــأنـــك مـــــــن دْهـــاتــــه أفيدنا كيف ، لمحة طرف=مصـيـوبـهـا الـلـيــل مـــــا يـبــاتــه الداهـيـه = تـســأل وانـتــه بــهــا اعــــرَف=مــــن مـثـلــك الـعـلــم مـافـاتــه إحساس في قلبك المرهف=هـــو الـسـبـب فـــي معـانـاتـه |
الشعر ماهو ترصّ حروف=وتقول هيّا اسمعوا مني الشعر مثل الذهب مصروف=ولون الذهب ما أخبره بني |
صقر المراقيب= سلام والعلم لك وافي=والطيب له ناس شرّفها ومثلك لبس ثوبه الضافي=والشّفع والوتر تعرفها ماجتني الناس بانصافي=وانا الذي كنت منصفها ومن صدمة الوقت ياكافي=اصبحت دنياي عايفها
الحجيري= ترحيب مثل الدوا شافي=باللي ما نجهل مواقفها من قوم توفي وتستافي=ما تبدي إلاّ بمشارفها دنيا الفتى عدلها اِجحافي=كم خالفت حي والفها واللي يبا شهدها الصافي=معها ظروفه يكيفها |
خالد بن عبيـد الاحمـدي = قم ياحفيد الحجيـري قـوم=واضغط على سرور لايغلط ولاّ ابناخيـك بعـد اليـوم=يمكـن يفلّـك ويتمـغّـط حـفـيـد الحـجـيـري= ياللي تنادي عقيـد القـوم=واجب تسلـم قبـل تقلـط وألاّ البناخي ؛ ولد صمصوم=ماهـو مطـرفّ ومتربـط خالد بن عبيـد الاحمـدي = وقت المهاوش مافيه اسلوم=احدٍ بقطلـه واحـد يقـرط وقّـف بناخيـك ياشغمـوم=واليـا طلبنـاك لاتشـرط حـفـيـد الحـجـيـري= العرف راعيه بـه ملـزوم=دستورنـا منـه لا تشتـط وش جاك يا صقر يوم تلوم=وتشيل فالسالفـه و تحـط خالد بن عبيـد الاحمـدي = العرف نهجـي وذا معلـوم=واعرفك فاهـم ولا تلخبـط ولاني بشرح الخبر مرغوم=دامك من القـاف تستبنـط حفيد الحجيري= يا صقر ما أذمكم محشوم=لكنْ ياليتك معي تضبـط الصقر ماله نظر فالبـوم=والمعدن الحر ما يُخلـط خالد بن عبيد بن معتوق ألأحمدي= مشكور لاكن صحيبك دوم=يخطي علينا ويستعبط واليا نصحته ايصيبه زوم=شايب وبالعند متشبّط الحجيري= العفو يا قرم ولد قروم=يامن لكم حرف به ننشط عندي حقيقتك يا زيزوم=إنك مع سرور بحر و شط |
ما بيننا الطيب متوارث=منذ القدم يا عيال العم الين رب الملأ يارث=الأرض واللي عليها عم |
صقر المراقيب= سبحان منهو يدير الكون=ويبيّن النجم فالظّلما موسى سكن في قصر فرعون=قدّام لايغرقه فالما
الحجيري= لله فخلقه يا صقر شؤون=يؤتي عباده من العلما ومن قوم موسى طغى قارون=قدّام يخسف من الظُلما |
الساعة الآن 03:05 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir